تويت
جنني حب حسين
ياعلة وجود الكون
يل بيك الفلك يفتر
أنت الهاجس البلروح
يا قبلة عشك اخضر
صرخة أنت بضمير الناس
ضد كل ظالم وكل شر
رسمت بدمك الإسلام
لوحة بكامل المنظر
وثبت دين برسول وبيك
ولوما كربلة أتغير
نحرك يا أبو الأحرار
دين الوحده هل منحر
راسك من قره القران
صار بكل كلب منبر
كالولي صور اكتب
شكتب صورة ما اكدر
قضيتك مو شعر صورة
ويا صورة إلي تتصور
لان صدرك سحك رضوه
مثلك شعري متكسر
وموبس عابس انجن
بيك انه مجنن وأكثر
أقدم ابني كون يموت
مثل ابنك علي الأكبر
وأحرك بيتي والنسوان
كون بهيمة تتطشر
وأطفال وجهالي تصيح
برعب وبخوف تتعثر
واخوي يكطع جفوفه
مثل عباس تتوذر
ورضيع بسهم مذبوح
دمه عليه يتخثر
وأختي بسوط ضربوها
ويجروها بحبل جر
وكون يسلب هدومي
وراسي يحزه والخنصر
ومثل حيدر علي الكرار
أبوي يشوفني ويقهر
كون أمي الضلع مكسور
وتلطم خدهه وتعفر
ومثل جدك رسول الله
من شافك بهل مظهر
الشاعر
إياد الفرح
تعليق