تويت
مشت بينه الليالي وفوك جسر الليل ...... من عدهن صبح ما شفنة احنه بيوم
قوافل عالبحر لو سارت اعلى المــــوج ...... يجمد عالجدم قضبــــــان هم ملزوم
ظالم هالوكت محتارة بيه افكــــــــار ....... بيه دروب صعبة ولادرب معلــــوم
واجب صار شرطة بكل وكت لـــو دار ...... يحط ابعاد فكرة بكل كلب ملمــــوم
تجارب حطها خيط ومن حزن ممدود ...... مامكطوع يوم وسرة ما مفهـــــوم
جنه من العذب ماخذها هالحسبـــات ...... ومختص بدرس واللوم بيه يحــــوم
على عترة محمد فاض منه الســـــيل ...... وخدر عالمجامن صارن الهم كـــــوم
رسم منه السواد وصار خيمة ليـــــل ...... وقفل نجم المودة وجل عليهم شوم
وسحب شمس الفرح بالغيض مامرتاح ...... لان ماشاف بدر بنورة ضل ملجـوم
رجع للكاظم وما حن ابــــد ويـــــــاه ....... من قاضي الدهر وبلا ذنب محكوم
دهر بيدة سلاسل بالجفوف اخفـــــاف ...... من عمرة زرعهن للحشر مضمـــوم
مـــن طوكَـ الصلابة المر على الرجلين ....... واعلى زنود جفة من الدهر موشـوم
ويحشم كل وكت لو حنت الايــــــــام ....... لان يريد بيدة يراوي كل مختـــوم
لحسين ورسم بسمة نصر بســـــــماه ....... ونور كل وكتنه ابسمته المظلـــــوم
خادم اهل البيت عليهم السلام
احمد رفيش .......................... 4/7/2010