نجمة البصره
07-07-2010, 09:08 PM
http://www.5h5h.com/upfiles/0sg79382.gif
بسم الله الرحمن الرحيم والصلاة والسلام على خاتم الانبياء والمرسلين ابي القاسم محمد واله وصحبه اجمعين ولعن الله ظالمهم وغاصب حقهم الى يوم الدين
في مدح مولانا موسى الكاظم عليه السلام
للشاعر / كاظم جابر السماوي
تاهت وانت ابد ماتاه عنوانك
تدلي المايشوف شموع صيوانك
ياموسى ابن جعفر شمس للاحرار
وچم اعمه اليشوف بنور ديوانك
شلت الخوف شعره بجفن كل محروم
ولاذ الخايف بجلباب حرمانك
صمتك والهدوء البيك هد اعروش
اذا تحچي السيوف اتلوذ بلسانك
خفگ جنحك على قصر الرشيد وزاف
ينسر الماتچل فد يوم جنحانك
نهرانك جرت شكت سواجي الخوف
وعلى اخدودك جرت مولاي نهرانك
ماهمك ظلام السجن يامولاي
طّفيت الظلام بنور نيرانك
فانوسك ضوه القران من تگوم
نيشان ومشه يدليك نيشانك
الفجر يغسل عيونه بشوفتك مولاي
ويخاف السجن ويلوذ بردانك
وضوءك من يصب الگاع تفطر بي
ويخضر سور من ماي ذرعانك
ظنهم چان اذا سجنوك يصفه ابليس
اشو سجنوك بيك احتار سجانك
شافو ثورتك طوفان نوح وهاج
هدم بنيانهم واتعله بنيانك
صايم بالنهار وقائم بكل ليل
وتگلب اچفوفك عايف اوطانك
انت اول سجين السجن يبچي اعليه
الك ناح الحديد وبچث حيطانك
على صوت الحرس تعرف صلاتك زين
وتطيل بسجدتك وتهيج احزانك
صح خمسة اوكات اوذانهم مولاي
وانت بكل دقيقه ايوذن اوذانك
تمد ابركعتك من الفجر لليل
وعلى حرف الخبر يترطب السانك
ظنهم خرگه ممتده اعله صحن الدار
شلت راسك يموسى ورجف سجانك
سرى بدمك الدين ونفخ كل شريان
وصبح طوفان يوم انكطع شريانك
هدم قصر الرشيد وطاحت التيجان
وانت اربع گبب مضويه تيجانك
چاوينه الرشيد وذاك عز البي
هنته ابسكتتك لايعتقد هانك
مغنى وفاكهه وكاس ولعب كل ليل
وانت الماسكت كل ليل قرانك
فليخسه الرشيد ويخسى كل سجان
ثگبت نارك ومن يطفي نيرانك
لاباب البقت لاحرس يفتح باب
بس انت البقت مفتوحه بيبانك
صح سلطان هارون اصبح اعله الناس
بس انت اعله ابو هارون سلطانك
بسم الله الرحمن الرحيم والصلاة والسلام على خاتم الانبياء والمرسلين ابي القاسم محمد واله وصحبه اجمعين ولعن الله ظالمهم وغاصب حقهم الى يوم الدين
في مدح مولانا موسى الكاظم عليه السلام
للشاعر / كاظم جابر السماوي
تاهت وانت ابد ماتاه عنوانك
تدلي المايشوف شموع صيوانك
ياموسى ابن جعفر شمس للاحرار
وچم اعمه اليشوف بنور ديوانك
شلت الخوف شعره بجفن كل محروم
ولاذ الخايف بجلباب حرمانك
صمتك والهدوء البيك هد اعروش
اذا تحچي السيوف اتلوذ بلسانك
خفگ جنحك على قصر الرشيد وزاف
ينسر الماتچل فد يوم جنحانك
نهرانك جرت شكت سواجي الخوف
وعلى اخدودك جرت مولاي نهرانك
ماهمك ظلام السجن يامولاي
طّفيت الظلام بنور نيرانك
فانوسك ضوه القران من تگوم
نيشان ومشه يدليك نيشانك
الفجر يغسل عيونه بشوفتك مولاي
ويخاف السجن ويلوذ بردانك
وضوءك من يصب الگاع تفطر بي
ويخضر سور من ماي ذرعانك
ظنهم چان اذا سجنوك يصفه ابليس
اشو سجنوك بيك احتار سجانك
شافو ثورتك طوفان نوح وهاج
هدم بنيانهم واتعله بنيانك
صايم بالنهار وقائم بكل ليل
وتگلب اچفوفك عايف اوطانك
انت اول سجين السجن يبچي اعليه
الك ناح الحديد وبچث حيطانك
على صوت الحرس تعرف صلاتك زين
وتطيل بسجدتك وتهيج احزانك
صح خمسة اوكات اوذانهم مولاي
وانت بكل دقيقه ايوذن اوذانك
تمد ابركعتك من الفجر لليل
وعلى حرف الخبر يترطب السانك
ظنهم خرگه ممتده اعله صحن الدار
شلت راسك يموسى ورجف سجانك
سرى بدمك الدين ونفخ كل شريان
وصبح طوفان يوم انكطع شريانك
هدم قصر الرشيد وطاحت التيجان
وانت اربع گبب مضويه تيجانك
چاوينه الرشيد وذاك عز البي
هنته ابسكتتك لايعتقد هانك
مغنى وفاكهه وكاس ولعب كل ليل
وانت الماسكت كل ليل قرانك
فليخسه الرشيد ويخسى كل سجان
ثگبت نارك ومن يطفي نيرانك
لاباب البقت لاحرس يفتح باب
بس انت البقت مفتوحه بيبانك
صح سلطان هارون اصبح اعله الناس
بس انت اعله ابو هارون سلطانك