المساعد الشخصي الرقمي

مشاهدة النسخة كاملة : بالافراح اجينه ,لمولد الحجه (عج)


رحيم الحسناوي
20-07-2010, 08:19 PM
بالافراح اجينه ... نستقبل ولينه

نثرو الزينه بالدار ... القائم عدنه خطار

قائدنه وولينه

ــــــــــــــــــــــــــــــــــــــــــــــــــ ـــــــــــــــــــــــــــــــــ

دنيتنه انملت فرحه وقناديل ...والوان السعاده

جن قلبي وصدح ويه المواويل ... صاح بلا اراده

افرح خلي الاعذار ... القائم عدنه خطار

قائدنه وولينه

فدوه القلب الك يا مهدي والروح ... يا عيني وفؤادي

بجيتك يا امامي تموت الجروح ... ويتحقق مرادي

ورده بين الازهار ... القائم عدنه خطار

قائدنه وولينه

يا شمعة فرح بين الموالين ... يا فخر العقيده

افدي المنتضر بجفوني والعين ... وبدمي ووريده

هل نور ابن الاحرار ... القائم عدنه خطار

قائدنه وولينه

كطرات الندى على اغصان الورود ... رسمت احلى صوره

وعطر الجوري غار امن احلى مولود ... هذه المهدي نوره

نبارك حامي الجار ... القائم عدنه خطار

قائدنه وولينه

يا صبر الليالي وتاج الاشراف ... يا كرة نبينه

ما ينعاف ابد حبك مينعاف ... نقسم يا ولينه

نحبك يبن الابرار ... القائم عدنه خطار

قائدنه وولينه

رحيم الحسناوي

عاشقة ام الحسنين
21-07-2012, 03:29 PM
اللهم صلّ على محمد وآل محمدوعجل فرجهم الشريف يا كريم


أحسنت على القصيدة رااائعة


يعطيك العافية على الطرح الراااقي متألق دوم