أفكار للغرف الزايدة لبيت الأحلام روعة بالصور

[عاشقة السيدة زينب ع]

بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته

المهم بوريكم بعض الأفكار اللي حبيتها حيل وأحسها مهمة وممتعة لكل أفراد الأسرة
ممكن تسوون هالافكار لما يكون البيت فيه غرف إضافية يعني زيادة عن غرف النوم والصالات، بدال لا تسوين صالة حمرة وصالة خضرة وصالة زرقة سوي صالة وحدة والأماكن الثانية استفيدي من هالأفكار

أول فكرة: غرفة الغسييل
يكون فيها غسالة ونشافة وأوتي وأماكن تعليق وأرفف للصوابين وجذي وأبيهاا مرتبة وشرررررحة تفتح النفس مثل هالصورة ولاحظو التلفزيوون

http://imagecache.te3p.com/imgcache/044a19672d3af02f7092a1244d9bfacf.jpg

ثاني فكرة: غرفة لعب لأطفالي
ودي تكون كبيييييرة عشان يلعبون ويركضون براحتهم وحطي لهم كل الالعاب اللي يحبوونها حتى لو ما قدرتي تطلعينهم بالويك اند الا يقدرون يلعبون ويستانسون، ولما يكبروون حطي فيها العاب كبار يعني بيبي فوت وهوكي وتنس طاولة مثلا

http://imagecache.te3p.com/imgcache/733784aeb4713eeaaff19af70e14e02c.jpg

فكرة ثالث: سينما منزلية
سوي لها جو للإضاءة وقنفات مريحة وبروجكتر وسماعات حواليها واشتري مكينة بوبكورن والله ونااااسة وكدي الهندي كل يوم يوصل لج أفلام على محطمتني هالفكرة لأني أموت بالأفلام
تقدرين تسهرين فيها وتحطين فلم عائلي،، ويوم مع رفيجاتج ولا بنات خالتج تحطون افلام بنات و الشباب أفلام أكشن

http://imagecache.te3p.com/imgcache/e82143e68f37213aa35ba7bb129e1792.jpg

فكرة رابع: نادي منزلي
تقدرين تقضين على مشكلة السمنة وأخيرا وتحافظين على رشاقتج انتي وانت حطي غرفة أرضيتها خشب وأجهزة رياضية وتلفزيون ولعبوا رياضة 3 مرات بالاسبوع

http://imagecache.te3p.com/imgcache/caf4793c5b223a45cf03a9538e9f182e.jpg

فكرةخامس : حديقة في السطح
هذي الفكرة مالها شغل بالغرف الزايدة بس نفس الفكرة ان تستغلين مساحة السطح وتسوينه مكان حلوو بدل ماهو فاضي
طبعاً الله يعافي الزرع والحشيش الصناعي مريح وما يبيله متابعة واحد يسقيه وحطي مظلة وطاولة وكراسي وحطي باربكيو الله ونااسة خوش عشا باربكيو في الهواء الطلق لي صار الجو حلوو

http://imagecache.te3p.com/imgcache/ec707b398915cb43624815924dc973b8.jpg

الفكرة السادسة: غرفة مكتبة
يكون فيها مكتبة للكتب ومكاتب حق المذاكرة عشان تدرسون بهدوء وممكن كمبيوتر وقنفة للقراءة وحلاتها تكون شرحة ومضيئة عشان التركيييز

http://imagecache.te3p.com/imgcache/efdb5c824d595ebba9ee1db4e6512270.jpg

http://imagecache.te3p.com/imgcache/965f26592d6bc2a905c9b1089166c16d.jpg

الفكرة السابعة: هذي لج يا البنت الحلوة
تكون تقريباً صالون منزلي تحطين تسريحة أم الليتات وناسة وديكور حلو وشرح وقنفة ومكياج وعدة الشعر والأظافر وكلشي تحتاجينه للعناية بجمالج وممكن جهاز البخار مال حمام الزيت وكلشي وتحطين تلفزيون بالطوفة وديكور مرتب ووناسة كل ما بغيتي تسوين شي تعزمين خواتج وبنات خالتج وتدقون عالصالونات اللي ايونكم البيت وتسوون كلشي وممكن بروحج تدلعين نفسج

http://imagecache.te3p.com/imgcache/5abbeb5b1d2af726347d70e51281063d.jpg

http://imagecache.te3p.com/imgcache/8eb185e7c4a809319a8b9ece1fa16ff3.jpg

الفكرة الثامنة: غرفة الخزانة
سووغرفة كبتات حلوة بديكور حلو وترتيب رااائع يعني كل شي معروض ما تحوسون بالكبت تدورون وهذي أمثلة

http://imagecache.te3p.com/imgcache/1fe7e6ec2d1d57000e707be0eab4ee12.jpg

http://imagecache.te3p.com/imgcache/c571425acfb4dc8cddc719dfc310b61f.jpg

http://imagecache.te3p.com/imgcache/a1c29c5bdd43abd49350dc3fb05d8137.jpg

منقول

تقبلوا تحياتي العطرة
أختكم
عاشقة السيدة زينب ع

[دلع السعوديه]

يسلمو يسلمو
روعه راح استفيد منها بالوقت الحالي
لمنزلنا الجديد
مشكوره خيتو
الله يعطيك العافيه

[عاشقة الامام الحسن]

يسلمو يسلمو

[عاشقة السيدة زينب ع]

بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ والعَنْ عَدُوّهُمْ
http://dc13.arabsh.com/i/02426/qk5xsdpq3qoc.gif