للكاظم لفينه الساعه خطاره

[سامي الكعبي]

للكاظم لفينه الساعه خطاره -*- ننصب مأتمه ويسعي عله زواره
-*-
يالكاظم امامي وبالكلب خليت-*- ياجسر الائمه للبشر سويت
يانور الهدايه وعلم اهل البيت-*- نكصد الكاظم زهيه انواره
-*-
يالكاظم نخيتك بالكلب ونه -*- مشموله الشفاعه الزارك اتعنه
اشوف الرضا حاضر بالدفن جنه-*-يادفن الشفيع الكاظم اخباره
-*-
يالكاظم ذكرتك والدمع سجاب -*- ياكاضي الحؤائج يابو الاطياب
مقبوله الزياره من تمر بالباب -*- ياباب الحؤائج بالمجد داره
-*-
يالزاير ضريح وساكن ابغداد -*- مفتاح الحؤائج يابشر ياعباد
هنياله اليزوره بكل وكت بمراد -*- يطلب حاجته وبالكلب اسراره
-*-
يالزهره الزجيه الزارت الكاظم -*- وتنوح بمصابه وعالصدر لاطم
معروف الامام القائم الصائم -*- بطمور السجن يالعاليه اسواره
-*-
ياسجن النوايب للولي اتعنيت -*- المعصومه الجليله بالحزن رديت
بفراكك يابويه من الصبر مليت -*- بدروب الشهاده اموسمه ادواره
-*-
عنوانه الشهاده والصبر جوده -*- مسجون الامام بحفر مسدوده
بسجون الرشيد وطالت وعوده -*- بوعود المنايه والنبي اختاره
-*-
من صاح الجسر لاجلك تعنينه -*- ياجسر الائمه انواسي والينه
مكتوبه الشهاده عله الجسر بينه -*- ياجسرالنوايب عاليه اوتاره
-*-
خادمكم الكعبي

[* || نور على نور ||*]

مـآأجمل هذهِ الكلمآت
فالسلام على المعذبٍ في قعرٍ السجون
السلام على الغريب المظلوم
السلام علي قآض الحوآئج
[ موسى ابن جعفر الكاظم ]

الأخ الكريم
[ سامي الكعبي ]
رأينآ الابدآع يتهلل منكم
نتمنى منكم الموآصله
ونحن في انتظار جديدكم وابداعكم
على احر من الجمر
وفقكم الباري وحفظكم من كل شر
تح ــيتي
نور على نور ]~ْ