وداع رسول الله لخديجه

[ابو ياسر الكعبي]

في وداع رسول الله لخديجه ÷

***

سند چانت لبو الزهره
غابت وسفه عن داره
ـ

خديجه الطاهره الكُبره
عليها دموعه تتجاره
ـ

* * * *

من دار النبي المختار
مرتفعه إعله برج الهم
عله نعش الرزيه تحوم
رسول الله ابنشيح الآه
ينادي ارحمها يا ربي
فضلها واضحه آثاره
ـ

صرخة حزن نِسمعها
ما تنشف مدامعها
گلب الهادي منبعها
والدمعه يودّعها
هاي السهّلت دربي
عليها دموعه تتجاره
ـ

* * * *

چانت سند للهادي
حرّه وجاهدت لله
عله الإسلام ما تنعد
بأسرار الوحي جبريل
صارت للرساله أسوار
گلبها خيمة أسراره
ـ

ابنفسها ابمالها ابدمها
نصر الدين كل همها
ولا تِحصه مكارمها
أبو القاسم يعلّمها
شالت دعوة المختار
عليها دموعه تتجاره
ـ

* * * *

عن دار الوحي غابت
وچم گلب العليها يلوب
امسه المصطفه بلوعات
حزين وخاطره مكسور
الخديجه الساكنه بروحه
إسْعِرت ما تنطفي ناره
ـ

عمرها أرتحل بشموعه
وچم روح اللي مفجوعه
لوعه تسابگ ابلوعه
كل أهمومه مجموعه
غدت تتلاچم اجروحه
عليها دموعه تتجاره
ـ

* * * *

سمّاه النبي المختار
عله الهادي شعظم همه
روحه اتنازع الحسرات
خضّر للمنيه جروح
جفنه لا غمض لا نام
نعشها الليله خطّاره
ـ

هاذه العام عام الهم
اصبح للهظم منجم
وجفنه إعله الدمع سلهم
ليل الفاجعه أو دلهم
وخديجه النصرت الإسلام
عليها دموعه تتجاره
ـ

* * * *

غسّلها النبي الهادي
كفّنها ابجرح گلبه
واملاك السمه نزّلت
يواسون النبي العدنان
نعشها إستقبل القِبله
فاض النور باكتاره
ـ

ابروج المدمع المسفوح
وحنّطها ابنشيج الروح
ونزل يم الجنازه الروح
بالهم والحزن والنوح
عليها المصطفه صلّه
عليها دموعه تتجاره
ـ

* * * *

حِمَل نعش الكرم والجود
بيده حفر مدفنها
أ ُم الزهره ودعّها
والزهره إعله امها تنوح
تنادي إعله امها مهمومه
إلهادي أبروح محتاره
ـ

چف المصطفه طاها
وحدر الترب وآراها
وخلّه الروح ويّاها
ما بطّلت مبچاها
بحزن دمعتها مرسومه
عليها دموعه تتجاره
ـ

* * * *

ابو ياسر الكعبي

[محـب الحسين]

أجدت شاعرنا الكبير
طيب الله أنفاسك
مأجور ان شاء الله

[غلام زينب]

احسنتم عظم الله اجوركم

[عاشقة ام الحسنين]

اللهم صل على محمد وال محمد وعجل فرجهم ياكريم
طيب الله انفاسك
تسلم أناملك الولائيه
على القصيدة الرااائعة
ألف الشكر لك على الطرح الجميل ومتألق

[محب الرسول]

احسنتِ لطرحك القيم
بارك الله بكِ
دمتِ بعطائك
تحياتي