تويت
(.(.(. .أبو ذيات. .).).)
شعجب دفترعشگـنه ماتگـلبه
وليش أنته اليگـلبك ماتگـلبه
ترى گـلبي بغيابك مات گـلبه
گـلب گلبي توفه وعم عليه
* * * * *
بهجرك راح عگـلي مالفاني
وچثير اشعار لجلك مألف آني
رحت اركض بهيمه مالفاني
ادور اعليك يل رحت من اديه
* * * * *
أعذره الگلب من يزهك وحگلاه
حگله دومكم فوگـه وحگلاه
أنه أدري لوطحت يمكم وحگلاه
لإاله اللاه وتگـطعون بيه
* * * * *
تغيب الروح بغيابك ورده
كتاب جفاك من عندي ورده
روحي بفرگـتك يذبل ورده
ماي انته وتردالروح بيه
* * * * *
مو معدن ذهب معدنك صفرين
وهذني رسوم وجهي عليك صفرين
.چنت واحدوانه موصفر صفرين.
عديمناك حطني تصير ميه
* * * * *
وحگ رمضان وصيامه ولمساك
ابد ماملن صباحك ولمساك
يسويهة البخت خايب ولمساك
احس الجنة صارت بين ادية
* * * * *
يدهري شبيك ترگص رگصشدچ
يروحي بيوم صحت نگطع شدچ
صرت منخل من الطعنات شتدچ
وأغربل بس خناجرتدري بيه
* * * * *
جرحك مابره ولا دارحوله
بدليلي ومن بديت الشرك حوله
الوكت ينظر عليه بعين حوله
سلب روحي وطلع مشتبه بيه
* * * * *
اصد وازعل وادير العين طبعن
بسبب لچمات الك بلگـلب طبعن
حلو وتنحب ولكن بيك طبعين
تشك وتغارمن روحي علية
* * * * *
بعدكم تارك بگلبي ورم شاك
علاجي بنظرة عيونك ورمشك
احبنك وحب امشي ورمشاك
وصلتك بعدخل نمشي سويه
* * * * *
دوم انشد عليك الراح والرد
الوفة منك نبع ولطيب ورد
ردت منك جواب لهاي والرد
اعز الناس مايسأل عليه
* * * * *
رخى گلبي علمودك من رخصتك
واسومن بيك غالي من رخصتك
دست فوگي دگلي من رخصك
حته براحتك تسحگـ عليه
* * * * *
انا الصياد صادتني شبكتك
ودخيل اللة شكثرحلوة شبكتك
ادك عليك مشغولة شبكتك
اظن مغلق جهازك بس علية
* * * * *
اوليفي الچان تحت امري تراها
محنتي وعينه الصلفه تراها
كل هذا و بعد روحي تراها
توده شما عمل وياها اذيه
* * * * *
عيون الگلب يوم جفاك يدمن
عفتني وصافحت ياترف يدمن
أناالمثلي على الدمعات يدمن
عسى أنسى هواك شعمل بيه
* * * * *
غصب أنزل دمع عيني وسيله
لان مالي على اوصالك وسيله
دهاك أخذ الگلب بيدك وسيله
يخبرك بلجره منك عليه
* * * * *
عيني من الزغر دمعي نغمهه
وروحي ما بعد يطرب نغمهة
الدنيا خلاف عشرتكم غمهة
مثل موتةانتمشةعلى الوطية
* * * * *
لحدالموت أحبنك وريدك
وعسه دمي دخل يسمر وريدك
حياتي وموتي يمدلل وريدك
ارد احيى ويرد الموت اليه
* * * * *
على سنيني الدهربدموع خطك
واگص الرجل كون تعبرخطك
شو آنه اتصل مشغول خطك
أثاري أثنينه نخابر سويه
* * * * *
سچاچين الوكت بحشاي بردان
حزني وصرت بالصيف بردان
صرت مجبور اشد اردان بردان
ولا امد للشماته اجفوف ايديه
* * * * *
تغيب الروح بغيابك ورده
كتاب جفاك من عندي ورده
روحي بفرقتك يذبل ورده
ماي انته وترد الروح بيه
* * * * *
العقل تكين تك انشل وجن تك
بسبب مالمست اشفافي وجنتك
جنات الخلگ كلهة وجنتك
ماتغفرذنب هجرك الية
* * * * *
اموت بطاري حبك وصطلب بيك!
وانه الگظيت عمري وسط لبك!
الف لبيك اصيحن وسط لبيك!
ولالبيك انته ترد عليه
* * * * *
يعين خلافه دم تبچين يوماي
وماينفع وره المجفين يوماي
ياسامه عگب عينك گرب يوماي
أبيع الروح بس تعود اليه
شعجب دفترعشگـنه ماتگـلبه
وليش أنته اليگـلبك ماتگـلبه
ترى گـلبي بغيابك مات گـلبه
گـلب گلبي توفه وعم عليه
* * * * *
بهجرك راح عگـلي مالفاني
وچثير اشعار لجلك مألف آني
رحت اركض بهيمه مالفاني
ادور اعليك يل رحت من اديه
* * * * *
أعذره الگلب من يزهك وحگلاه
حگله دومكم فوگـه وحگلاه
أنه أدري لوطحت يمكم وحگلاه
لإاله اللاه وتگـطعون بيه
* * * * *
تغيب الروح بغيابك ورده
كتاب جفاك من عندي ورده
روحي بفرگـتك يذبل ورده
ماي انته وتردالروح بيه
* * * * *
مو معدن ذهب معدنك صفرين
وهذني رسوم وجهي عليك صفرين
.چنت واحدوانه موصفر صفرين.
عديمناك حطني تصير ميه
* * * * *
وحگ رمضان وصيامه ولمساك
ابد ماملن صباحك ولمساك
يسويهة البخت خايب ولمساك
احس الجنة صارت بين ادية
* * * * *
يدهري شبيك ترگص رگصشدچ
يروحي بيوم صحت نگطع شدچ
صرت منخل من الطعنات شتدچ
وأغربل بس خناجرتدري بيه
* * * * *
جرحك مابره ولا دارحوله
بدليلي ومن بديت الشرك حوله
الوكت ينظر عليه بعين حوله
سلب روحي وطلع مشتبه بيه
* * * * *
اصد وازعل وادير العين طبعن
بسبب لچمات الك بلگـلب طبعن
حلو وتنحب ولكن بيك طبعين
تشك وتغارمن روحي علية
* * * * *
بعدكم تارك بگلبي ورم شاك
علاجي بنظرة عيونك ورمشك
احبنك وحب امشي ورمشاك
وصلتك بعدخل نمشي سويه
* * * * *
دوم انشد عليك الراح والرد
الوفة منك نبع ولطيب ورد
ردت منك جواب لهاي والرد
اعز الناس مايسأل عليه
* * * * *
رخى گلبي علمودك من رخصتك
واسومن بيك غالي من رخصتك
دست فوگي دگلي من رخصك
حته براحتك تسحگـ عليه
* * * * *
انا الصياد صادتني شبكتك
ودخيل اللة شكثرحلوة شبكتك
ادك عليك مشغولة شبكتك
اظن مغلق جهازك بس علية
* * * * *
اوليفي الچان تحت امري تراها
محنتي وعينه الصلفه تراها
كل هذا و بعد روحي تراها
توده شما عمل وياها اذيه
* * * * *
عيون الگلب يوم جفاك يدمن
عفتني وصافحت ياترف يدمن
أناالمثلي على الدمعات يدمن
عسى أنسى هواك شعمل بيه
* * * * *
غصب أنزل دمع عيني وسيله
لان مالي على اوصالك وسيله
دهاك أخذ الگلب بيدك وسيله
يخبرك بلجره منك عليه
* * * * *
عيني من الزغر دمعي نغمهه
وروحي ما بعد يطرب نغمهة
الدنيا خلاف عشرتكم غمهة
مثل موتةانتمشةعلى الوطية
* * * * *
لحدالموت أحبنك وريدك
وعسه دمي دخل يسمر وريدك
حياتي وموتي يمدلل وريدك
ارد احيى ويرد الموت اليه
* * * * *
على سنيني الدهربدموع خطك
واگص الرجل كون تعبرخطك
شو آنه اتصل مشغول خطك
أثاري أثنينه نخابر سويه
* * * * *
سچاچين الوكت بحشاي بردان
حزني وصرت بالصيف بردان
صرت مجبور اشد اردان بردان
ولا امد للشماته اجفوف ايديه
* * * * *
تغيب الروح بغيابك ورده
كتاب جفاك من عندي ورده
روحي بفرقتك يذبل ورده
ماي انته وترد الروح بيه
* * * * *
العقل تكين تك انشل وجن تك
بسبب مالمست اشفافي وجنتك
جنات الخلگ كلهة وجنتك
ماتغفرذنب هجرك الية
* * * * *
اموت بطاري حبك وصطلب بيك!
وانه الگظيت عمري وسط لبك!
الف لبيك اصيحن وسط لبيك!
ولالبيك انته ترد عليه
* * * * *
يعين خلافه دم تبچين يوماي
وماينفع وره المجفين يوماي
ياسامه عگب عينك گرب يوماي
أبيع الروح بس تعود اليه