المساعد الشخصي الرقمي

مشاهدة النسخة كاملة : ابـــــوذيات جــــديده كلـــــش


نجمة البصره
29-08-2010, 09:57 PM
تشب بضلوع صدري يامناره
وليمته انطره يومناره
الك ثارات قبة يو مناره
لو باجي المصايب ياشفية؟

يعظم الله المصايب هاي ماجور
وتظل الكلوب تبجي بظلم ماجور
اظن فاعل فعلته وياك مأجور
عسى لا هنا بنومة هنية

بمناسة فاجعة سامراء

وحك من كون الاكوان وابسط
انه اسهل من نسيم الروح وابسط
جنت املك مخدة صوف وابساط
الاجوني فرهدو ذني من اديه



بعدك كمت اسوي اللوح ويبات
ولا اخلي دليلي يهين ويبات
الحزن وياي طول الليل ويبات
بفراشي ويسولفلي عليه


وبيته
بنص گلبي لگعد حُبك وبيته ........ أخلي
وبمرض فرگاك گَلبي وبيته ......... مرضته
گلبي يعتبرك موطنه وناسه وبيته ........ البيت
والي يظل بلا وطن كل عمره أذيه


وراها
رخه گلبك عليه وراها ....... راهي
وأنه الميت لو ألـﭽـح عيونك وراها .... أشوفهه
روحك وين ماتروح روحي وراها ....... خلفها
حس بيه يكفي صدك عليه



وشفاك
تگلي من حُبي فكيتك وشفاك ......... شفكيت
أنعليت منك ويمك دواي وشفاك ........ الشفاء
وصفتي آخذ بوسه من الخدين وشفاك ....... الشفه
ومن آخذ الوصفه يشفه كل مرض بيه



وسنك
مايهمني نبعك الراهي وسنك ........ عمرك
ولاتكشرلي بنيابك وسنك ........... السن
رمح سواك عاذل وسنك ......... سنترك
على گلبي ونبتك بيه


ﭽــانت أشواگي وياك جد ماظنيت وديه .... عاديه
وأدفعت لعيونك حياتي وعيوني وديه ..... الديه
وردت أحظنك بلهفه بروحي وديه ...... الأيد

ومن مديت أيديه ماردن ........ رجعن
وحرت ليش ماأجن وجواب ماردن ....... جابن
وأتضح شافن منك الويل وماردن ....... قاومن
وإنك بصدك گطعت كَلبي ويده

@ميقات
30-08-2010, 10:03 PM
ابوذياتج كلش حلوة مو بس جديده
يسلموووووووا

نجمة البصره
06-09-2010, 07:20 PM
اسعدني مرورك العطر

دلع السعوديه
06-09-2010, 08:48 PM
يسلمو يابنت العراق
حلوين كتيرهاالأبوديات
موفقه خيتو

نجمة البصره
07-09-2010, 01:28 AM
مشكوره حبيبتي على ردك

ابو محسد
10-09-2010, 03:16 AM
بسم الله الرحمن الرحيم
فعلا ابوذيات جميلة ... بوركت نجمة البصرة
كل عام وانت بالف خير
اخوك ابو محسد

محـب الحسين
10-09-2010, 03:38 AM
احسنتِ اختي الكريمه
جزاك الله خير الجزاء

نجمة البصره
10-09-2010, 07:54 PM
اشكركم على ردوردكم الرائعه

Noor Fatema
31-10-2010, 10:56 PM
ابو ذيات روعه شكرا