ملتقى حبيبين

[@ميقات]

في ساعة متأخرة من الجرح دار حوار بين حبيبين هما العراق وبغداد كنت موجود هناك فنقلت لكم مادار بينهم
.....



ربيتـﭿ ورد كل لحظه تحلـــــين
أسم الله عله گلــــبـﭿ لا تخافين


بغداد وعليمن لابســـــه الضيم
العراق انه العظيــــم وانتي تدرين


أسد عين الشمس لو جاسـﭿ الهم
وتصير سيـــوف دمعات المساكين


لبَست المجد لـچـَّدامچ حجــــول
وصغتْ من الشدايد كحلت العيـــن


غطيت الجــــرح بهدوم الزغار
ولزكَهن جثثهم عل الحياطيــــن


ماريد الزعل يم عينـــــچ يبات
وبحـــظان القصف ليليـه تغفين


وما ريدن عله الذل اهلـــچ تبـــات
وتصيرنذور لحلوك السـچـَّـاچـِين


وکافي من الكرم مايشبع المــوت
يريد سباع منـــچ وانتي تنطين


خضر ورد دمنه بكَاع الاحـــلام
وقطفتنـــه المشانق والزنازين


كَبر احلامنه وموته اليداعـــون
وعد راسه سور تقره الشياطـين


سعفه افراحنه وهذا الحزن ريح
وخمر دمنه وسكر ليل السلاطين


الحريه غيمه وتمطر رمـــاد
وصوت الشعب شتله معاشره الطين


الصبر يم الثكاله عله الملمـات
الصبر مل واعرفـــچ ما تملين


مدام بوسط كَاعچ كاظم الغيض
انسي الخوف كله ولاتخافيـــن


وايسي من العروبه رعب وارهاب
ضلت عل العرب ضاعت فلسطين


يا بغداااااد اهلنه الكرم والطيب
اهل الشرف والعز والدواويــن


ماقصرنه لحظه وضيفنه الموت
جرحنـــه الدله والدم الفناجين
*****

[ابو محسد]

بسم الله الرحمن الرحيم

قصيدة رائعة ... بوركت زهرة الصباح على اختيارها لنا
طبت وطاب عطاءك
ابو محسد

[ابن الشاعر]

السلام عليكم
اختي الكريمه زهرة الصباح
حياكم الله على الروح الطيبه
ابقى الله العراق منارا للدنيا
ووفقكم الله واحسنت كثيرا
اخوك ابن الشاعر

[@ميقات]

بسم الله الرحمن الرحيم

قصيدة رائعة ... بوركت زهرة الصباح على اختيارها لنا
طبت وطاب عطاءك
ابو محسد

شهادة اعتز بها من شاعر المنتدى المتميز شكرا لك اخي ابي محسد
على مرورك الطيب

[@ميقات]

السلام عليكم
اختي الكريمه زهرة الصباح
حياكم الله على الروح الطيبه
ابقى الله العراق منارا للدنيا
ووفقكم الله واحسنت كثيرا
اخوك ابن الشاعر

مشكوووووووووور اخي ابن الشاعر
هذا من حسن ذوقك لانك شاعر
واغبطك لانك شاعر فاني يعجبني الشعر كثيرا كثيرا
شكرااااااااا مرة ثانيه لمرورك الذي عطر صفحتي