تويت
من دم روحي * تـحجي جروحي
عالصادق تـجريها العبره
* * *
إينازع إمـام الـرافضه والجسد بالسم مرتـهن
والسم سره بجسمه ومضه اوخلَّف عله العالم الحزن
بالكـَلب نيـران الغضه رسمن الدمعه إعله الجفن
وجروحـي حنَّت عالمضه كل لـحظه ويّاهن أَحن
تبجي بلوعـه بيه مفجوعـه
للصادق هاللـيله تودعه
* * *
جروح الكَلب يتلاجمن كل جرح مدفون بـجرح
وعـله البواجي إتعلّمن وي الدمـع دمـهن يسح
جمره بخلايه الدم حجن وتعلّكَـن نـارابـرمـح
فوك المصيبه اتـمدِّدن حطَّن الروح إعـله الذبح
فاضن بالـدم غركَـن بالـهم
ولتـحمن لجل الحكَ شمعه
* * *
لرض البقيـع اتـوجّـهن وسافر اويه جروحي الكَلب
كَطعن مسـافات اومـشن ويّـاهن إكَـطعت الدرب
من وصلن لأرض الـمحن شفت الكـَبور إعله التُرب
ملتمـه يـم كَبـر الحسن عالصـادق أمست تنتحب
دمعـه إبّـابه تروي امصـابه
جم روح الناحت منفجعه
إكَبور البقيـع من الـهظم ومن الـمصيبه إتفـطّرن
بدمـع الظليمـه المنسجم لمصاب ابو الكاظم بـجن
كل كَبـر أصبح منـهدم مـتناثر إبـجف الـمحن
بكبـر الزجيـه الـمنظلم كـل الكَبـور إتـجمَّعن
وكَبـر الهادي بصوته ينـادي
ويواسي المظلومه البضعه
* * *
كَبرالنبـي صوتـه ارتـفع وكَبـور خـمسه التستمع
إلصـادق إبسـم انـصرع وبالصادق انصاب الشـرع
وكَلب العِلم بيـه انصـدع وبـالأصل مفجـوع الفرع
وكل مسلم إبدينـه انفجع صـوت النـوايح مرتفع
بـجمر الحسره يلهب صدره
وتصيح آلامه المنجمعه
* * *
إنرسمت عله باجـر وامس بالصبـر جلمـات الوفـه
وتـجسَّد إعله الحكَ شمس دم الـجـراح النـازفـه
صارت مضاميـن ودرس بكـَلب المبـادء راعـفه
منها الـمعارف تقتـبس شـمس أهل بيت المصطفه
بيرغ عالـي إيضَل للتالـي
يهدي الاجيـال اوتتَّبعه
* * *
شاعر الحسين (ع)ابوياسرالكعبي
تعليق