تويت
یـجـرن ثـلاثه أنهـار بـالغاضـریــه
دمّک ونـهر الـمــای ودمعة رقـیـه
***
یجـرن ثلاث انهـار بـالغـاضـریـات
نحرک نهر ویفیض من الجـراحــات
ونهر الفرات اگلوب تتشضّه جـمرات
ودمعـة رُقـیـه جـروح جـفن الرزیـه
***
أول نـهر للکون دمّـک یـالحسـین
منّه إیتوضه المـوت بِصـوارم البیـن
یجـری ویفیض أنهار من منحر الدین
تسگی إصول الـدیـن نفـسه الأبیـه
***
ثانی نهـر للمای ضل نعشه مطـروح
فَـتَّه العـطش ویریـد دمّک یمذبوح
ومن منحرک شریـان یتفتَّـح جروح
مَـدِّیـت إلَـه الأوداج تجری سخیَّه
***
ثالـث نهـر مذبوح دم ودمـع صب
فاض وسگه الودیان من طفله تنحب
مـاتـنطفی هیهـات جمـراته تلـهب
ودمـعـة رقـیَّـه تسیل صُبح ومسیّه
***
دمعتها تجری عیون تتفـایض إعبـار
وکـل دمعـه منها تطیح تتفجّـر أنهار
وکل نهر یجری سیول مـابین الأشفار
وکل دمعه سیـف یلوح ضد آل اُمیّه
***
طفله وتشوف الخیل تسحگ ابجسمک
دمعتهـا تجـری أنهار وی مجـره دمَّک
مهجتها حسره تذوب من تسمع إسمک
تبچـی اُوتِـون إعلیک ونَّـه شـجیَّـه
***
الطفـله رُقـیَّـه ترید راسک تِکـلمه
ومن منحـره المگطـوع رادت تشـمَّه
خل ینجمـع یحسیـن همهـا اُویَّه هَمّه
خلهـا تشـوف الـراس گبـل المـنیَّه
***
مهظومه منها تفیض شهگات الإحساس
ماگـدرت إمن النـوح تتلفَّـض أنفـاس
مـاتت حزن عالراس من شبگت الراس
ونَّـتـهـا عـالمـذبــوح ونَّـه خِـفـیَّـه
***
ابو ياسر الكعبي
b
تعليق