المساعد الشخصي الرقمي

مشاهدة النسخة كاملة : الى السيده رقيه


ابو ياسر الكعبي
05-10-2010, 08:44 PM
نـوح یاگـلبـی وتـفــطّر بـالـونیــن


حطّـوا ابطشت الذهب راس الحسـین


***


صـاحت الطفـلـه رُقیـّه بالـدمـع


وصـاح ویّـاهـا گلبهـا الـمنفـجع


تریـد تنظـر راس أبوها المنگطع


تصیـح أریـدن والدی یامسلمـین


***


تصیح أریدن والدی وتنحب نحیب


أرد أغسِّـل جبهته بدمعی السـکیب


خـل تِقَـبـّل دمعتـی خــدّه التریب


مـایـهـود اُونیـنی ولا أسـتکیــن


***


لحـظه یـاعمَّـه طُـبَگ جفنی ونـام


شفت أبوی حسین إجانی بـالمنـام


ودار مـابیـنی ومـابـینـه الـکـلام


ویـن عَـنـّی والـدی یاعمّه ویــن


***


إشتد نحیب الطفله وزداد العـویل


ودمع من دم عینها عالخد تسـیل


غیر أبوی حسین ما أرضه بدیـل


الحین أریدن والـدی منِّچ الحیـن


***


من سمعهـا إیزیـد ناده إعله العبید


گـالـهـم ودّولـهـا راس الـعـمـید


مـن تشـوفها گبالها الطـفلَـه تهید


إتشوف أبوها ویستچن منها الونین


***


حین مـا جـابـوه رُقـیَـه شـافـتَـه


وشافافها الراس وجرت دم دمعـته


ماتت إعله الـراس حین الشبـگته


روحـها المـلهـوفه تتـفطّر حنیـن


***


لَـن علـی السجـّاد یجـری مدمعه


منـظـر الطفـلَـه الدلـیله گــطَّـعه


نـاده عـمتـه زیـنـب الـمتـصدّعـه


وگلها نحّی الطفله عن راس الحسین


إتگله خلهـا اتوادعه الـراس الشهید


بلچـت إیـهوِّد بِـچـاهـا وتسـتهیـد


گـلهـا حین اللِّی علیه دارت الإیـد


مـاتـت ومنها انگطع صوت الانیـن


***
ابو ياسر الكعبي


b

ابو محسد
10-10-2010, 11:24 PM
بسم الله الرحمن الرحيم
آهٍ لمنتظرٍ يسعى لمنتظرِِ
ابكيتني ايها الشاعر الحبيب
جزيت خيرا .. السلام على حبيبة الحسين ع
ابو محسد

محـب الحسين
11-10-2010, 05:58 AM
سلام الله على مولاتنا رقيه
ابداع جديد من شاعرنا الكبير ابي ياسر
أجدت اخي العزيز
جزاك الله خير جزاء المحسنين

ابو ياسر الكعبي
19-10-2010, 05:49 PM
ابو محسد
مازلت تغمرنا بروائع مرورك
كل الشكر لك من اعماق اعماقي

ابو ياسر الكعبي
19-10-2010, 05:50 PM
محب الحسين
كل امتنان وتقدير
لمرورك الكبير
رعاك الله ووفقك لكل خير