تويت
سلطان الحرب
ميمرجناس
***
عباس دَّوت صيحته إعله العَسکر
زلزل ميـاديـن الحـرب من کبَّر
***
من کبـَّر الضيغَم جِفَل عسکرها
وبْحـلگ رمحه وصارمه عسکرها
سلطـان عـزمه وسَطوِته عسکرها
أَعْـلَن قيـامتهـا أُوَْردهـا المحشر
***
الغَـدر ياگـوم الغَـدر سِنَّـه إلکُم
تَيم وصَخَر هاذه الطبُع سنَّـه إلکُم
عباس صمصام الحرب سنَِّـه إلکَم
شجـعـانکم منحـريلـوذ إبْـمَنحَر
***
ذَلَّت صنـاديـد الحـرب گامَلها
مـارفعت إگبـال الفـحل گامَلها
ذَرّاهـا روس وجـثث من گامَلها
وما فـرزنَت هُـوَّه الحِمَل لوحيدر
***
سـيف المنيَـه إبْـيمنِتَه سل إلهـا
أَرواحهـا إبْـحَد صيحته سل إلهـا
عن حَمْلتـه ارگاب الزلم سل إلهـا
إتْگلَّک عليهـا إبْـصـارمه يتبـختر
***
حملاتـه حملات الوصي من غارَن
بالمـوزمَـه عيـونه جمـر من غارَن
غاروهـن إخـيول العِـدَه مَن غارَن
فُـرسـانـهن مـن الـرُعُب تتگنطَر
***
عـبــاس بيمينه الـحـرب لازمـهـا
وحَـمـلات أَبـوه المُـرتضه لازمـهـا
سِـجِّـيـل تـمطـر رايــتــه لازمـهـا
إتْوَزِّع عَله غلاظ الرگب موت أَحمر
***
عـبـاس جنـحيـن الحـرب باسلهـا
والـحـرب من باسـه خَذَت باسلهـا
چَـم ضيغَـم إجْـدام الفَـحَل باسلهـا
اوفَـر إبْـذِوايـل خيــبتـه يـتْـعَـثَِّر
***
من بـاس أُبـوه المُرتضه عـبَّـاسـه
وَثْـباتـه بـوجـوه العِده عـبَّـاسـه
عبـاس عبـاسـيـن مـن عـبَّـاسـه
يـوم الکلايـف بالـحَرايب تظـهَر
***
الـحرب مـالت وِعْـدَلت مـايـلهـا
وبْـحـور مـن الـدَم طُـفَح مـايـلهـا
يـالـحربـک إبْـحَلـگ الرمـح مـايلها
وِمْـن الرگب سيفک شرب ماي أَحـمَر
***
ابو ياسر الكعبي