تويت
حان الأجـل حان يختي العقيله
فصّـلي الأكفـان يختي العقيله
****
حسيـن ابو اليمّه بدر وجهـا تلالـه
بصوت الحزن ناده عله بنت الرساله
وجتله العقيله الطاهره تمشي بجلاله
گـلهـا يـزيـنب أرد أسلـمنّج كفـاله
يـا أُم الأحـزان يختي العقيله
فصّـلي الأكفـان يختي العقيله
***
يـابت علي الكـرار يـابنت الزچـيّه
گـبل الوداع أوصيج يختي ابهالوصيّه
يختي يزينب گـبـل لتحيـن المنيـّه
فصليهن أكفـان الهـواشم هالمسيّه
خان الدهر خان يختي العقيله
فصّـلي الأكفـان يختي العقيله
***
باچـر إخوانـچ كـلهـا يـازينب مذابيح
من المناحـر بالمصـارع دمهــم يسيح
باچـر أقمـارچ والنجـوم إعلـه الثره تطيح
وتنخضب من دمهم سهول الأرض والريح
تنحب الوديـان يختي العقيله
فصّـلي الأكفـان يختي العقيله
***
باچر كفيلـچگـمـر هـاشـم يذبحونه
والاكبـر إبْحـد الصـوارم يـگطّعـونه
وجسّـام من دمّـه يـزينب يغسلـونه
وعبد الله من نحره إبسهمهم يفطمونه
قُربه للرحمان يختي العقيله
فصّـلي الأكفـان يختي العقيله
***
باچـر أميـرات الرسالـه إيْـروِّعـوها
وفوگ المهازل عـگـب عزها إيْـرِكُبوها
بـاچـر جثـثنه بالمصـارع يِـتْرِكـوها
والروس يختي إعله الرماح إيلوِّحـوها
التكفين الابـدان يختي العقيله
فصّـلي الأكفـان يختي العقيله
***
كل جسد لو شفتيه بدموعـچ تغسليه
والكل شهيد الكفن يازينب تفصليه
بس كفن واحـد لاتفصلينه وإتـركيه
جسمه يبنت أمّي عله التـربـان خَـلّيه
من غير دفان يختي العقيله
فصّـلي الأكفـان يختي العقيله
***
جِـثْـتي مَـريدَن كفـن إلها يبت حيدر
تبقه ثلاث إعله التُـرُب بالشمس والحر
بـاچــر يصيح الكـون كلّـه الله واكبـر
ومن الـگفـه بسيفـه الشمر يـگطع المنحر
إنذبح عطشـان يختي العقيله
فصّـلي الأكفـان يختي العقيله
***
ابو ياسر الكعبي
تعليق