يل دم نحرك خلد ذكرك من الشعر الشعبي 2010 [الأرشيف] - منتديات احباب الحسين عليه السلام

عمار جبار خضير

10-11-2010, 09:34 PM

يل دم نحرك خلد ذكرك = يا كعبة كل الاجيال
تبقى الخالد انته القائد = واسمك عالظالم زلزال
يا صوت الحق بيك نثور = ضد الظالم ضد الجور
واسمك عالظالم زلزال =
----=
يحسين بحبك مسرانه = ياملهم كل الثوار
شعبك احنه وما نتوانه = عنك يا رمز الاحرار
والرايه اترفرف ويانه = من نمشي لصوبك زوار
بايعناك وهاي دمانه = نرخصها احنه ازغار كبار
يا هادينه يا والينه = فايز يحسين الولاك
لكطع المنحر مانتأخر = نعيش نموت وياك وياك
صرخة كل المظلومين = يا نبراس اصحاب الدين
واسمك عالظالم زلزال =
----=
شيعتكم يا سبط الهادي = بتقرير الدم بايعناك
وهاي انصارك تبقى اتنادي = يبن الزهره انموت وياك
بارض الطف بذاك الوادي = ريت وياكم جنه هناك
ولا تسحك صدرك وتغادي = أبحافرها خيول اعداك
من سحتك مردت جبدك = وانته موسد بالميدان
ريت بصدري راحت تجري = ولا تسحك صدر القران
يحسين وصدرك تأويل = لايات الحق والتنزيل
واسمك عالظالم زلزال =
----=
يحسين ومن يوم العاشر= ينصبلك مأتم هالكون
بيه جدك والزهره اتناظر = لليبجون وللينعون
هذا الماتم ماضي وحاضر = موروث الحق والمضمون
والدمعات الصوت الهادر = يا سر الله المكنون
هذا المنبر حق يتفجر = بذكرك يا نور الاشراق
منكم يمتد ضل يتجدد = هالمأتم رمز الاحقاق
يل دمك احيى الاسلام = نحيي المأتم عام وعام
واسمك عالظالم زلزال =
----=
يابو الاكبر فاض المدمع = لمصابك يا ثار الله
ما ننسه الخدّر والرضع = وهيهات القاسم ننساه
كل يوم انعاين للمصرع = لعباس وكطعة يمناه
يبن الزهره ولو نتكطع = ما ننسه السبي ومعناه
سبي العتره يسعر جمره = بكلب الحبك يا مولاي
لمحنة زينب نثور ونغضب = مسبيه وتنعى الحماي
معناه بفكر الاحرار = لختك زينب اصبح ثار
واسمك عالظالم زلزال =
----=
جم ظالم جند احزابه = وحارب خطك يا مظلوم
وهذا التاريخ وابوابه = مفتوحه بطغيان الكوم
ضربوك بسيف ودبابه = بذاك اليوم وهذا اليوم
وينه العباسي وارهابه = وينه الصدامي المهزوم
العاداكم والاذاكم = بنار التلفح ضل مثواه
والحباكم والولاكم = فايز بالمحشر والله
يحسين وطفك بركان = هدّ عروش اهل الطغيان
واسمك عالظالم زلزال =
----=
الشاعر
عمار جبار خضير
غرة ذي الحجة المكرم 1431
8- 11 -2010