قصيدة (تاريخ ابو السجاد ،،

[عبدالله الشاعر]

:65::55555"::65:
بيدك صحايف مجد ,,,,,,,, لو تدرس محتواها
تاريخ ابو السجاد ,,,,,,,, والتضحيه معناها
لوالي الكفر صدر يزيد اكتاب
ياخذ البيعه ويحسب احساب
وصار السيف لحسين محراب
رفض ابو السجاد ,,,,,,,, وللتضحيه ناداها
ــــــــــــــــــــــــــــــــــــــــــــــــــ ــــــــــــ
احسين شاف دين جده احكامه اتغيرت
والمجتمع صار معكوس وحاله ادهورت
بدمه اصلاح الدين والحاله اطلبت
لكربله ضعنه سار ,,,,,,,, واهل الظلم ناداها
ــــــــــــــــــــــــــــــــــــــــــــــــــ ـ
اهدافه كتبهه وسجلهه مرسوم
منريد ظالم بعد ومنريد مظلوم
اهدافه ترفض كل طاغيه ومدعوم
اهدافه ترفض اشرار ,,,,,,,, حضن الحقد نماها
ــــــــــــــــــــــــــــــــــــــــــــــــــ ـــــــ
الثورة صارت حقيقه ضد الظلام
مايبايع اشرار ودينه دين السلام
ثار ضد الاحقاد ورجع هيبة الاسلام
ثورته صرخه ادوي ,,,,,,,, هالثوره ما احلاها
ــــــــــــــــــــــــــــــــــــــــــــــــــ ـــــــ
فكرة الثوره عد احسين انرسمت
واقطاب اهل الكفر بيهه انعرفت
من عدهم الاف الكتب لحسين وصلت
اكثرهه اقدم يحسين ,,,,,,,, والبيعه تلكاها
ـــــــــــــــــــــــــــــــــــــــــــــــ
اهدافه كتبهه وسجلهه بالدم
لا للجهل لا للظلم صارت مشعل
التاريخ خلدهه وصارت معلم
علمت كل الثوار ,,,,,,,, صرخه سواها
ــــــــــــــــــــــــــــــــــــــــــــــــــ ـــ
ابليله ويوم صار الامر معكوس
والكالو نفدي الروح ونكَطع الروس
اتخاذلم عن هالموقف وصارو انصوص
سبعين وي احسين ,,,,,,,, والباقي الطمع ذلاها
ــــــــــــــــــــــــــــــــــــــــــــــ
اتعنه ابو السجاد لكَبر جده
ايودع رسول الله وكف يمه
احسين اصلاح الدين كل همه
شجاعه الكرار ,,,,,,,, لكربله وداها
ــــــــــــــــــــــــــــــــــــــــــــــــــ ـــــ
جيت اودع جدي وابين الاسباب
صار دمي مطلوب وسدو الابواب
ميصير الاوصياء تقبل ابحكم الغاب
ماتقبل روحي ابذل ,,,,,,,, ماترضه روحي حاشاها
ــــــــــــــــــــــــــــــــــــــــــــــــــ ــــــ
امتك جدي بعدك صارت تقبل الجور
وحكمهه صار بيد ابن اللعين المغرور
ماكو غير احسين ضد الظلام ايثور
ثورة احسين صرخه ,,,,,,,, ادوي طول الدهر خلاها
ــــــــــــــــــــــــــــــــــــــــــــــــــ ـــــــــــــــ
ثورة احسين عادت للدين اسمه العلم
اسمه الاسلام رده ابنحر السهم
من ثورة احسين زين اتعلم
الدين ماضاع ,,,,,,,, وحسين ابسماها
ــــــــــــــــــــــــــــــــــــــــــــــــــ ـــــــ
جده ايناديه يحسين ضحي ابدمك
لايرهبك سهم اليوكَع ابنحرك
رب العرش والجنه تنتظرك
اقدم يحسين ,,,,,,,, روحك للجنه هواها
ــــــــــــــــــــــــــــــــــــــــــــــــــ ــــــــــــــــــ

بقلمي خادم اهل البيت (عبدالله الشاعر)
:oilkftr (27):

[محـب الحسين]

طيّب الله انفاسك
وجزاك خير الجزاء

[عبدالله الشاعر]

شكراً لردك الرائع والجميل نورتني تحياتي
اخوك الصغير (عبدالله الشاعر)