عالعباس صوب النهر -ابو الفضل عليه السلام

[سامي الكعبي]

عالعباس صوب النهر ---- رفعة رأس ذاك الكمر
---
يرفع شعار المرتضه بجمر المصيبه ---- وبهالثره سالت دمه ابدوره الخضيبه
***
ام البنين بهالمسه تنظر وعودك -*- وتدري بغربتك والسفر توفي بعهودك
سيف وتعنه الكربله سر بوجودك-*- ولمن رحت للمؤزمه بدونك غريبه
عالعباس صوب النهر ---- رفعة رأس ذاك الكمر
***
معبار هالعتره وحدى بضعن الهواشم-*-ومثلك ياحيدر من سعه بركب الفواطم
التاريخ ردد شدتك بهاي العلايم -*- وجدد مصيره بهالترب ضلت لهيبه
عالعباس صوب النهر ---- رفعة رأس ذاك الكمر
***
أذن حسين بكربله ويرفع صلاته -*- طبع النخل ثابت يظل طبعه وصفاته
ساعه وبدورج فاطمه توصف مماته-*-وصرعه عله ترابج كربله شوفي العجيبه
عالعباس صوب النهر ---- رفعة رأس ذاك الكمر
***
جسد ضميرك ياعلي وصال بسماها -*- وشراع عالغبره صفه شخصك حواها
ذاب بعشك سبط الهدى وحامل لواها-*- وصرخة ظلم هالملحمه الليله الرهيبه
عالعباس صوب النهر ---- رفعة رأس ذاك الكمر
***
من سكنه ورقيه العطش يحمل عتابه -*- ولمن نزل للعلقمي صاح بجوابه
لاماي اشرب والحرم تنطر ركابه -*- وينبوع هاي المرجله فخر الشبيبه
عالعباس صوب النهر ---- رفعة رأس ذاك الكمر
***
لحظة رجوعك والسهم صوب خيامي -*- وسهمك باعباس انرمه والجبد ظامي
ناديتك والمصرع يون جلجل ظلامي -*- وتراب يروي بهألاثر جسوم السليبه
عالعباس صوب النهر ---- رفعة رأس ذاك الكمر
***
بركان طافح عالجفن علة غربتي -*- وطوفان دمع الراحله يضري بجبدتي
مابين سوط الظالمه أحبس عبرتي -*- وانخاك من نوك الهزل صوتي اليجيبه
عالعباس صوب الخيم ---- رفعة رأس ذاك الكمر
***
8-12-2010
الكعبي

[**عاشقةالازهار**]

[ناصرة ام البنين]

السلام عليك يا أبا الفضل ياساقي العطآآشى

احسنت وبآآرك الله فيك
جزآآك الله خير الجزآآء

[ابو محسد]

بسم الله الرحمن الرحيم
بوركت اخي سامي الكعبي
وبورك عطاؤك
ابو محسد