قصيدة(وهاي ياحيدر باوع ضربتي )

[عبدالله الشاعر]

ياحيدر انخيت السمه تخشع خشعتي
والناس بويه كَامت تطلع طلعتي
_________

خير الرجال حسين ابشخصه اووقاره
وبالشجاعه ماينقاس وهاي اخباره
واتربه ابحضن النبي وعلمه اسراره
وجدي الرسول هو سمعتي
*********
ياجدي لمن غبت جبدي انصاب
هجمو عل الدار ودفعو الباب
وصار الوصي غريب وهمه الاحباب
وياجدي دينك طالب وكَفتي
*********
ياجدي عكَبك هجمو عل الدار
واصواتهم علت ويردون القرار
وياجدي دينك صار بيد الاشرار
وياجدي دينك طالب كلمتي
*********
ياجدي بالسقيفه صار القرار
وياجدي القصد واضح ضد الكرار
وياجدي عزلوه وصارت الاشرار
ودينك ايصيح بيد حيدر وصفتي
*********
دينك مريض ايصيح وينك ياعلي
انتَ الطبيب وينك ياولي
مايعرفون الدين ويصيحون الوصي
وياجدي ايحاجون بنتك شخذتي
*********
الدين ناح وصاح وينك يكرار
رجع هيبتي ياحامي الجار
وفاطمه لليوم ماعلمت بالبسمار
وهاي ياحيدر باوع ضربتي
*********
اتامرت كوم العده واختالت الكرار
ومن بعده صار الحسن ابنك البار
ودسو للحسن سم وجبده طشار
وياجدي هاي الافعال تطلب نخوتي
********
صار الامر محتوم ابدمي الاصلاح
وماانسه بوستك ابنحري الفلاح
واجب صار نفدي الارواح
ويرجع دين جدي لصهوتي
********
كربله اتصيح شجايه جيتك
وكربله تصرخ وينك نخيتك
وبكربله يحسين صارت قضيتك
ماهمتني هالكوم همتني زينب شمعتي
-----------------

(بقلمي خادم اهل البيت عبدالله الشاعر )

[لبيك داعي الله]

جزاك الله خيرا

واسال الله العلي بالحسين الوجيه ان يحفظك

ويبارك في قلمك ونحو الافضل والاحسن بجاه الحسين

[عبدالله الشاعر]

شكراً لردك الرائع والجميل ولك مني الف تحيه
اخوكم الصغير (عبدالله الشاعر)

[محب الرسول]

جزاك الله كل خيـــــر
بارك الله بك

[** خـادم العبـاس **]

شكرا اخي الكريم
بارك الله بك
جزاك الله خيرا

[عبدالله الشاعر]

شكراً لردك الرائع والجميل تحياتي
اخوك الصغير
(عبدالله الشاعر)