نعتذر منج إجينه (( السلام على زينب الحوراء ))

[محب الكاظم*]

لأن ليلة وداعج ما عمينه *** يزينب نعتـــذر منج إجينه
************************************
رسمنالج ضريح بنص لعيون
عليه يسلم الشـيعه ويزورون
يزينب فاطمه بموتج يعـــزون
نهر يجري الدمع يوم البجـينه
***********************
لأنج بت علي ما تنطفــــــــــــــي النار
على ضلوعي أدك لأجل الجرى وصار
أعاين للســــــــــــبي يوم المشى وسار
مصــــــــــــــــابج مو قهر ويمر علينه
*************************
كمر ما ظل بعـــــــــــد من ذبحوا النور
صدى صوتج صرخ يا صيحة الصور
كأنج كــــــــــــــــربله لوحدج يعاشور
رسمتي لكل حزن لوحة حــــــــــــزينه
***************************
حجيتي وي الكفـــــيل الشايل الجود
مشـيت على الرمل ومسلسله قـــيود
لون جفك يرد وي ذيج لزنــــــــــــود
تظن تبقــــــــــــــــــى سلاسلهم بدينه
***************************
تون رويحتي ولاجلج تـــرى تنوح
نزف دم الجفــــن وبدمعتي جروح
تسيل وما تجف حد خلصت الروح
تــواسي فاطمه وحيــــــــدر علينه
****************************

[عبدالله الشاعر]

تسلم اناملك على ماخطت من كلمات ولائيه
اخوك الصغير
(عبدالله الشاعر)

[محب الكاظم*]

شكرا لمرورك على موضوعي وهذا شرف لي ووسام على صدري
</b></i>