تويت
حسين قرآن الذي ما خطه خط ابلوح - هذا قرآن الجليل العـل الأرض مطروح
من نزف فيض النحر – شفنه آيات وصور
هذا قرآن الجليل العـل الأرض مطروح
******************************
الحمد فزت فارعه وتلطــم بلأيدين – والأعراف ايفيض بيهه گام الأونين
بسورة الياسين يا مظلوم يحسين – راسك المرفوع لو مرفوع بيه دين
مر على الأنسان حينا ًمن الدهر ِ - ينضر القرآن نزف ادمومه تجري
من نزف فيض النحر – شفنه آيات وصور
هذا قرآن الجليل العـل الأرض مطروح
****************
الف لام وميم بيهه ابتده ابتحديد – وراسك القرآن للقـــرآن تمجــــيد
سيف الأبنحره يجود بيه تجــويد – صبعك المبتور تثبت بيه التوحيد
هذا الأكتاب الذي لا ريب فيه – حسين گام اينوح عرش الله عليه
من نزف فيض النحر – شفنه آيات وصور
هذا قرآن الجليل العـل الأرض مطروح
****************
المائده امن ادماك گامت بلسمه اتفوح – والنساء ابكل دمعهه گامت اتلـوح
وآل عمران ابصابك گامــــــت اتــنوح – حسين هذا اتگول لو قرآن مذبوح
نزل القرآن فيه المحكمات ِ– وراسك المحكم كسر انف الطغات ِ
من نزف فيض النحر – شفنه آيات وصور
هذا قرآن الجليل العـل الأرض مطروح
****************
الكهف بيك اتروعت تلطم على الراس – وتنعه بيك الناس كلهه ابصورت الناس
الواقعه وفرقان صارن الك حـــــراس – وراسك المرفوع هَـــــدم للكــــفر ساس
أم حسبتم گال فيه العجب اعجب – راسه قرآن ويرتل نوب ينحب
من نزف فيض النحر – شفنه آيات وصور
هذا قرآن الجليل العـل الأرض مطروح
****************
السجده راسك سجد والمحراب مرفـوع – وسورة الأحـــــزاب منك گامت اتلوع
المؤمنين اعليك تبچي ابصوت مسموع – حسين هوه الماي عنه الماي ممنوع
من الماء الكون كل البيه حيين – بلايه ماي حسين حي ويحيى بيه دين
من نزف فيض النحر – شفنه آيات وصور
هذا قرآن الجليل العـل الأرض مطروح
****************
ويمه صوره وشخص مريم هلن ادموع – شافن القرآن بيه امكسره اضلوع
ويمهن ابراهيم هــــوه وطه مفجــــــوع – شافو القرآن ينزف دمه مصروع
اوحى بلقرآن ربك للنبيين – ما بچه القرآن دم بس دم الأحسين
من نزف فيض النحر – شفنه آيات وصور
هذا قرآن الجليل العـل الأرض مطروح
****************
والزچيه اعليك گامت تلطم العــين – منين اجيب الراس بويه صاحت امنين
هذا مو لحسين صاحت هذا ياسين – صاح آنه حســـين يمه حســين تدرين
حسين بيك احتار يمه احتار امري – هذا سيل ادماك لو قرآن يسري
من نزف فيض النحر – شفنه آيات وصور
هذا قرآن الجليل العـل الأرض مطروح
****************
الشاعر الحسيني
عماد الدريعي
تعليق