المساعد الشخصي الرقمي

مشاهدة النسخة كاملة : قبال عينك يا صقر


سيد مهدي
15-01-2011, 09:08 AM
قبال عينك يا صقر ِينِّتِف ريشه ----- تعرف مصيره والرجس يزداد طيشه
عندك أمانه ومخلبك اشفيه راقد --- وقدام عينك يا صقر جنحانه فاقد
ما تثور سله والحرب اعلنها عاقد -- واحمل على العسكر وفرهد لجيشه


زينب جسمها ينتحل بونات وهموم --- وأوزان ريشك زايدة من كثرة النوم
والله بعد ما تطير وتصير محروم--- وراسك يشيب وما تتحملها عيشه


شلون صدر احسين قدامك انداس--- وجنحانك الصدرك تميل مو لعباس
قدرك تشوف السهم بالعين والراس --- مكطعوع وزينب بالخلا بعده وحيشه


زينب تكله يا صقر ما تشرب الماي ---- الدم متعود تشربه واتكول دواي
بس هاليتامى من العطش بتموت وياي --- الونه والعبره على خدها جهيشه


تراقب فرايس يا صقر من فوق التل --- وآني أراقب كم ذبيح طايح ومنشل
خلصت رجاجيلي وحيدة صرت انذل --- وانته متعافي وكاعد في العريشه


كلها اشوفج بالبجا تشبين نيران --- والدموم سالت من سواد اعيونج احزان
زينب اشوفج واشتعل وياج أشجان ---- منقاري دقيته وأضلاعه هشيشه


تكله اغسل بالدمع المذبوح عطشان --- وراسه اوسده ابندبتي والقلب ولهان
وعيني افجرها دمه وهواي طوفان ---- اسقي الشريعه بماي جبداتي العطيشه


رب انتقم لي من اللي رضوا عظامه --- وابنارك اجويهم في المحشر والقيامه
والزهرا امي ضلوعها خلها علامه --- والجف المبضع يرعدهم رعيشه

محـب الحسين
15-01-2011, 01:27 PM
أحسنت اخي العزيز
دمت بتوفيق الباري سبحانه

سيد مهدي
15-01-2011, 06:10 PM
جزاك الله خير الجزاء أخي الكريم ومأجورين