تويت
عمية الكوفة صارت ما تميز النــــاس ...... عمية من الفكر والعين بيها اتشوف
ماشافت حقيقة ورفعت الهــــا الراس ..... ولا غطت معاني وسترت المكشـــوف
ولا عرفت مصالحها التثبت الســــاس ..... ولابيها الدغش فد يوم مامعــــروف
وماكولا بطل حتــــــى البطل ينداس ..... جوة جدام مسلم كل بطل مجتــوف
حب حسين راية وشاله فوك الطــاس ..... وراية غيرة حد الها السفير جفــــــوف
ونثر ثورة جهادة وحدد المقيـــــاس....... بالكوفة بحر وعيونه بيها جــــــروف
ميثني ابد لا والله بالأرجــــــــــــاس ..... ضربة زود خــــلاها الركاب صفـــوف
جنه الحيد حيدر ضربـــة النبــراس ..... يتعنة المعارك تجفي عنه زحـــــــوف
وللــــــتاريخ فجر ثورة ماتنقـــــاس ...... وزرع بالكوفة الواح الشجاعة سيــوف
ماهاد الاسد وحْسينه بالانفــــــــاس ......ذب جروحة كلها ولجلة تمشي اطـوف
رسم كل الصور لحسين والعبـــــاس .... .لقطة من الغضب للجيش صار يدوف
حررها العقيدة بكل ثقة واحســـاس .... .وماهاب الزمر ماعرف جلمة خـــوف
وصار اتراب ذر الجان بيهم مــــاس .......واثياب الحرير انكلبت الهم صـــوف
شهم بيه الوفاء اتخيره الإخـــــلاص ...... سفير حسين كــــوكب بالجروح يروف
وراعي المرجلة بضلامة ضل ونـــاس..... طر الروس كلها بدمهـــــا خط حروف
نفسي واني وي روحي نضل حراس ..... لحسين وأمــــوت ولا ابد ما عـــــوف
خادم اهل البيت عليهم السلام
احمد رفيش
تعليق