اخوي من وكع عل الكاع

[ابو الحق]

اخوي من وكع عالكاع
اخوي من وكع عالكاع اني تهدمت امالي
من شفت البطل مطروح كمت اتعثر بسمالي
رحت اتعنة اضــــــــلله كلـــي زدت اهوالي
ردي لخمية الايتــــــــام ردي حفظي اعيالي
ماظل بالخيم رجــــــــال بـــس العليل واطفالي
حدرت مدري شاصرف واني الشمر يبـــــرالي
حضنت اعيال ابو السجاد كلهــا تبجي عل الغالي
من كطعو نـحر حسين انـي تكطعت اوصالي
وين الجنت اناديـــــــله يجلـــــــي كل هم ابالي
هسة مكابلـــــة العدوان كلهـــــــــا تنادي عالتالي
اسرو بيت اهل حيـــدر وان الاســــر مو ابالي
نبجي عل بقى مسلوب وراسه عل الرمح يلالي
جمعو كل اهل بيتـــــي كلها تعـــــــاين جتالي
شكيت امري للبـــــاري هو اعلــــــــــم بحالي
اخوي من وكع عل الكاع اني تهدمـــــــــت امالي

[محـب الحسين]

أحسنت اخي العزيز
جزاك الله أحسن الجزاء

ينقل لقسم الشعر الحسيني

[عبدالله الشاعر]

بارك الله فيك وتسلم اناملك
تحياتي
اخوك الصغير
(عبدالله الشاعر)