تويت
مكتوبه بلوريد – غيرك فلا نريد
يحسين الك – دار الفلك – وينادي يا شهيد
*************************
يحسين ألك كل الجموع اتنادي - يا أغله كل غالي ومنيت الهادي
هاي الألوف أتعنتــــك يلحادي - لجلك تحدت كل سـيــوف العادي
غصبن على الطغاة -- زوارك أبثبات
نمشي أبعزم -- نسوه وزلم -- غيرك فلا نريد
**************
شيعه وتعـــنت للـــولي مشــايه - متعنيه تمشي اعللجدام اعنايه
تسحگ على الأه الصفت تچايه - وفايه لحسين وتضـــــل وفايه
مشايه معتنين -- وانادي يا حسين
ما همنه ابد -- كل الجحد -- غيرك فلا نريد
**************
حبك يضل ويـــه المحــب يبراله - يمشي وحگ طه الرسول وآله
كل دمعه من عين المحب هماله - تنضح الــــم علبمنذبح واعياله
صبت ألك دموع -- ما تعرف الخضوع
كتبت عهد -- يحسين ابد -- غيرك فلا نريد
**************
غصبن على أخشوم العدى اتعنينه - بدم الشهـــيد الطــــاهر اتحــنينه
وين الي ضدك من گبـــل چا وينه - راح وتضل شمعه وتنور اعلينه
مرسومه علصدور -- صوره ابمدى العصور
صورت ألم -- بيك ارسم -- غيرك فلا نريد
**************
متعنيه اطفــال ونســــاء أتزورك - ترسم رحيل العــــايله أبدستــــورك
ما ينمحي طفــــك ولا عاشـورك - حي ويضل وسط الگلوب أحضورك
كلمن دعه ونخاك -- وسط الگلب لگاك
ومن المهد -- صحنه الأبد -- غيرك فلا نريد
***************
حتى القــــلم يتعــــنه ليك أمعـــلم - شفته آنه يمشي ابهل القصيده امحزم
شرد آوصف الحاله وشريد أتكلم - يبچي ابحـــبر قلمـــي وعلــــــيك أتألم
حتى القلم أجاك -- ما مره فارگاك
أقسم قسم – صاح القلم -- غيرك فلا نريد
***************
بقلم الشاعر الحسيني
عماد الدريعي
تعليق