تويت
تعنيت أزور الغاضريه --- تمنيت توافيني المنيه
أرد للغاضريه أگليبي شيصبره – عفـت بيهه الغريب أمخضب ابنحره
تمنيت توافيني المنيه
-----------------------------------------
أشوف أگبور بيچ أمفارگه الروس -- بيچ حسين طاح وصدره مديوس
وبچان الهودج ألي چــان محروس -- واتحيطه البواسل چنهم أشموس
أرد ليچ يگاع أبثاني مره = شفت بيچ غصص وألآم مُره
طفت كل الشموس ابگاعچ القفره --- عفت بيهه الغريب أمخضب ابنحره
تمنيت توافيني المنيه
----------------------
يعيني اشلون صبرچ من تشوفين -- أرد راس ألــــي جبته الجثت حسين
وأحفر گـــــبره آنه أبـذني الأثنين -- وأشوف ابن أمي ضل ابلايه تچفين
يعيناي عفه ومنچن صبرتن = لچن كون يريت وما حضرتن
لون راس أبن ابوي أنرجعه الگبره -- عفت بيهه الغريب أمخضب ابنحره
تمنيت توافيني المنيه
---------------------
يگاع وبيچ طايح ســـــبع الأطفــوف -- وجسمه العين فاگد ويه الأچفوف
شريد أحچي ابمصابه وكل الأحروف -- تعنت گبلي راحت يمــــــك اطوف
توجيت عگب عينه ابونيني = تمنيت يخي سالم تجيني
أشوفه أشلون فاگد يمنته ويسره -- عفت بيهه الغريب أمخضب ابنحره
تمنيت توافيني المنيه
---------------------
يگاع الفــــــارگيتــــچ راده أردود -- أجيت ارد ابقه يمچ واگعد اگعود
أجيت وآنه اطلبــــچ رآيه والجود -- والچفــــين يمهن طاحن أشهـود
يهل الگاع أجيت الرايه أريدن = وأضل بيچ يگاع وما احيدن
كل گطرة دمه البيهه اصبحت حضره -- عفت بيهه الغريب أمخضب ابنحره
تمنيت توافيني المنيه
يگــاع اوين الأكــبر عنــچ اليوم -- ابوجهه انشوف جدنه وننسه الأهموم
دگليله يگـــاع العمـــــــته ايگوم -- أجـــت عمـــتك يلــــــــكبر يمك اتحوم
أحاجيه وأشوفه أجروح الأمتون = بلاياي أگله اشلون ترحون
أجت عمته الغريبه الفاگده الدره -- عفـت بيهه الغريب أمخضب ابنحره
تمنيت توافيني المنيه
---------------------
وين اولادي ويــن اوين الأنـصار -- عفتــهم كلـهم آنــه ازغار واكبار
ودگليلي الرضيع ابـــيا كتر صـار -- أنه ابگلبي علـــيهم تشتعل النار
يهل الگاع أريداً كل فرد راح = الگلب بيچ أبد ما يوم مرتاح
أجيت أبيسري اجرأو ونه وي وحسره -- عفت بيهه الغريب أمخضب ابنحره
تمنيت توافيني المنيه
---------------------
بقلم الشاعر الحسيني
عماد الدريعي
تعليق