ياللي هجمت عالدار وينه ضميرك

[زاهر]

مقطعين من البوذية بحق الزهراء(عليها السلام)
--------
نبينا المصطفى للزهرة أمّنهه
الحسن وحسين والحوراء ضنوتهه ومنهه
كل العرف هالبضعة أمن بها امنهه
ابحقد ظلمو بنت سيد البرية
-------------------------------
الوديعة عند ابو الحسنين صاينهه وحملها
الزهرة ابيوم دفع الباب ذبت حملها
علي عالكوم هد سل سيفه اوحمه الهه
لاجن وكفته ذيج الوصية
------------------------------------
ياللي هجمت عالدار وينه ضميرك****بالحشر هم اتريد طه يجيرك

خصمك محمد"" والزهرة تشهد
1
شلون اتريد غفرانه الخلق هالكون
والبضعة رسوله الدارهه اتكصدون
دفعتو الباب اوراهه فاطمة تدرون
مسمارابضلع مغروز للمحسن تتطيحون
,,,,
صاحت يبوية اتشوف هذا الجرالي
من غدر هالظلام اشتكي حالي
----
ليلي تسهد""الزهرة تشهد
2
بلا رحمة وديعة سيد الآنام ظلموهه
سنن للحق سلب عمداً السنوهه
الضلع موبس وصيته الهادي كسروهه
اوفدك هالكاع حزنت ليش غصبوهه
,,,,
صار الفكر محتار اوعبراته تندب
تنوح البتول ابأه والحزن يكتب
----
حقي تبدد""الزهرة تشهد
3
مصايب ماتمر عالبال حاطتني
عكب عينك يبوية ادموعي سلتني
نفوس الحقد من بعدك الجازتني
يريت الآجل وافاني و تاخذني
,,,,
أخلص من اللجمات البعدك شفتهه
والدمع بالوجنات اعيوني روتهه
----
بنتك ياأحمد""الزهرة تشهد
4
صعب هالموقف اوحيير علي ابفكره
يغيث اليكصده وأشلون اذا الزهره
يدري لو رفع سيفه باليحدث اوباليجره
أختار الله ابحبه اوحكمته ادره
,,,,
ابصبره حمل أهات اونفذ وصيتك
كونك يطه اليوم تنظر عطيتك
----
صبره تخلّد""الزهرة تشهد
5
قبل خلق البشر في ظلمة التكوين
نور الزهرة واضواهه بنور الدين
فضلهه الطاهرة الحرة وهج للحين
يحيف ابهالجزه تاليهه تتجازين
,,,,
سيدة نساء الكون بضعة نبينا
حزنج فلا ننساه ايحز جرحه بينا
----
نورك يردد""الزهرة تشهد
6
أذا صدري انعصر بالباب واحملته
شلون ابكربلا اوصدر حسين ماشفته
حوافرخيل نسل هالكوم رافسته
يهون الضلع ابصدر ضنوتي اوهونته
,,,,
نفس الصدر داسوه السبطك يطه
والغدر بالآسلاف البنتك بداهه
----
ضلعج تمجد""الزهرة تشهد
7
ييمه اشلون بية لو تركتيني
جرح المرتضى اضماده ابدمع عيني
اوكبد الحسن من سموه يتلاوه ابشراييني
وهمي ابكربلا الآعظم ياريتج تشوفيني
,,,,
زينب تون واتصيح وينج ييمه
ياضنوة المختار جرحي شي لمه
----
همي تجدد""الزهرة تشهد
---------------------------
خادم الزهراء(ع) زاهر المعموري
استراليا 2008م

[محـب الحسين]

أحسنت وأجدت ياحاج
وفقكم الباري سبحانه
ورزقك شفاعة الزهراء
سلام الله عليها
يوم الورود

[ابو اياد العتابي]

موفق اخي العزيز
كلمات جميله ورائعه
تقبل مروري ودعائي

[شاعرة بابل]

بوركت اخي زاهر..
جزاك الله خير الجزاء..
على ماقدمت من ابداع..
تحياتي

[زاهر]

عزيزي الآخ محب الحسين شكراً على أطلالتك
الطيبة ومرورك الذي نور لقصيدة..
دمت ذخراً لنا.

[زاهر]

شاعرنا الكريم أبو اياد العتابي تحيتي لك
شاكراً مرورك الجميل وردك الآجمل..
موفق لكل خير..

[زاهر]

الشاعرة الموقرة وشاعرة بابل
ممنون للمرور الطيب على القصيدة
شاكراً لك ِ الرد الآطيب..