سيدي ياحسين

[شاعرة بابل]

يشوك العاشر الكلمات
بين الكلمة والكلمة
يخط حروفة بالدمعات
باحسن قافية ينظمة
يرسملك على البيبان
معنى الدمعة والبسمة
وتشم عطر النبي بكل باب
وتحس انت وصلت يمة
ساعة ولن تدك الباب
بيد اللهفة والهمة
لن يفتح وجه من نور\
بدد وحشة الظلمة
تظل بين الكلت والكال
وبين الدهشة والصدمة
تظل تتأملة بلا صوت
هذا حسين ابو اليمة؟
هذا الحال مو صورة
حقيقي ولاتظن وهمة
هذا حسين ابو الثارات
وهاي الطاهرة امة
وهذا حيدر الكرار
واحمد سيد الامة
يمنة بكل وكت باقين
وبيهم نزلت الرحمة
يمك لو ردت تسأل
لاتيه بوسط زحمة
بس محتاج تتحسس
وسط كلبك تهب نسمة
عجيبة الشوك هذا وياك
تسمعة بكل نبض نغمة
وتمد ايدك على النجمات
تصافح ايد كل نجمة
وتخط اعلى الشمس كلمات
باصبع يكتب بدمة
ويخط اسم النصر والدين
باسم حسين ابو اليمة
هوة المعجزة بكل حين
وهوة لكل محب نعمة
حسين المالكاه الموت
دنك من وصل يمة
ونزع ثوبة الصبر جزعان
وحسين بشر ف لمة
خلي الدمع يطفح حيل
لو تذكر ابو اليمة
عين الي بمحبة حسين
تبجي لاتظن تعمى..

[ابو محسد]

بسم الله الرحمن الرحيم
بوركت ايتها الشاعرة الموالية
قصيدة رائعة بحق سيد شباب اهل الجنة
عليه السلام
دعائي لكِ
ابومحسد

[عاشقة ام الحسنين]

اللهمرصل على على محمد وال محمد وعجل فرجهم ياكريم
تسلمين على الكلمات الرااائعة
يعطيك العافية على الانتقاءك المتألق
بارك الله فيك على الطرح الجميل ومتيمز

[عبد الحق]

بسم الله
السلام عليكم

بارك الله فيك
وجزاك خير الجزاء
وجعلها في ميزان اعمالك

[شاعرة بابل]

بوركتم وجزاكم الله خير الجزاء ..الشاعر المتألق ابو محسد والاخت العزيزة عاشقة ام الحسنين..والاخ الشاعر عبد الحق..منورين