شاعرة بابل
22-07-2011, 08:51 PM
مامحتاج اوصفك وانت اية نور
وعلى لسان العجز مشلولة كلماتي
وبين السطر والثاني القلم مجروح
ينزف حبر كلبة ابين صفحاتي
يخط فوك الجرح صورة جرح مفتوح
يعني الجرح جرحين بكتاباتي
اوصفك اي نعم بس كون كدهة يصير
وصفي ومااضيع ابين كلماتي
ولااانسى الحجي ومني الحرف مذهول
واظل اتأملك بعيون صدعاتي
اتيه ابحر دمعي لو يمر طاريك
واحس نار وتشب بجفون عبراتي
واظل اتصورك بين الخيم والجيش
واسمع صوتك بوجدان اهاتي
ياصورة عذابي البيهة بس اعيون
مصبوغة بدمة المحبوب نظراتي
وعلى جناح الصبر ابعث الف مرسال
واظل اتوسل ومااهد دعواتي
اريد الجنة خاطر بس اشوف حسين
وخلي اطلع بعدهة لنار جمراتي
ياخبزة فقير وشرغة المحتاج
على دروبك اظن شديت خطواتي
لان من اعثر بذنبي احس احبال
تنهضني وارد امشي بمسراتي
واذا حاجة الي ارفعهة للمعبود
واصدرهة ابأسم الحسين حاجاتي
بعد كل هذا واكثر صار عندي اسباب
اهيم بشوكي واتحير بدنياتي
واظل للموت اشد ايدي على الشباج
واروي الروح من انهار ابياتي
وعلى لسان العجز مشلولة كلماتي
وبين السطر والثاني القلم مجروح
ينزف حبر كلبة ابين صفحاتي
يخط فوك الجرح صورة جرح مفتوح
يعني الجرح جرحين بكتاباتي
اوصفك اي نعم بس كون كدهة يصير
وصفي ومااضيع ابين كلماتي
ولااانسى الحجي ومني الحرف مذهول
واظل اتأملك بعيون صدعاتي
اتيه ابحر دمعي لو يمر طاريك
واحس نار وتشب بجفون عبراتي
واظل اتصورك بين الخيم والجيش
واسمع صوتك بوجدان اهاتي
ياصورة عذابي البيهة بس اعيون
مصبوغة بدمة المحبوب نظراتي
وعلى جناح الصبر ابعث الف مرسال
واظل اتوسل ومااهد دعواتي
اريد الجنة خاطر بس اشوف حسين
وخلي اطلع بعدهة لنار جمراتي
ياخبزة فقير وشرغة المحتاج
على دروبك اظن شديت خطواتي
لان من اعثر بذنبي احس احبال
تنهضني وارد امشي بمسراتي
واذا حاجة الي ارفعهة للمعبود
واصدرهة ابأسم الحسين حاجاتي
بعد كل هذا واكثر صار عندي اسباب
اهيم بشوكي واتحير بدنياتي
واظل للموت اشد ايدي على الشباج
واروي الروح من انهار ابياتي