المساعد الشخصي الرقمي

مشاهدة النسخة كاملة : الى عقيلة الطالبيين..عليها السلام


شاعرة بابل
22-07-2011, 08:59 PM
فخر من نحمل اسمج عالصدر نيشان
وانتي الفخر لو راد الفخر يفخر
يدنك الراس يمج حتى يعلى بزود
ويصير الفخر من الفخر افخر
يشد حبل اليسر ايد ج عجيبة شلون
ماظن الحبل يدريج بت حيدر
ولاظن الشمس تدري انتي اخت عباس
جا ن تحجبت بالغيم تتستر
طريق من الحزن اسود يجر حسرات
وصدر الكاع من شافج عليه كبر
وبقايا دموع وشلهة الصبر كطرات
وعبرة بلايا صوت ولانحب يظهر
يام كلب الجلد المالونة اجروح
مغلف باليقين ومعدنة الجوهر
بس ادري بلهيب الخيم من وجت
ترة كلب الكفيل بنارهة توجر
مو سهلة على العباس من شافج
مابين اليتامى وبين هالخدر
ااعذريني لون بالخدر ذكرتج
اكيد لجمت جرحج والوجع اثر
وابو فاضل اظن حس بالالم اضعاف
وبطاري الخدر كلبة الوفي تفطر
وحسين الوكلج دين ونهج وكتاب
مو بس عايلة واطفال وسط البر
يدريج انتي قطعة اشلعهة من كلبة
وكلب احسين من كل الجروح اكبر
مشيتي بخطوة مغصوبة على المسرة
شلون اتفاركين القلب الموذر
والسوط اعلة متنج رسم صورة سيف
كص حدة الجفوف وكطع المنحر
وانتي بلايا روح ولاامل ظل بيج
طاح الامل وية الراية وتعفر
وعليلة الروح ظلت يم جسد مطروح
تسجد عالتراب الي انصبغ احمر
ويرد بيج الزمان لذكريات هواي
بيهة حسين والعباس والاكبر
وبيت الي يلمكم هو ذاك البيت
مهبط للوحي وبوابة الكوثر
ورجعتي ردود للضرغام ابو الحملة
وذكرتي الطبرة والضلع الذي تكسر
وساعة الذكريات بكل وجع تلتم
وساعة بكل صبر وبعزم تتطشر
عقيلة بني هاشم والاصل معروف
وبدربج اشد خطوات ماتعثر
وارد ردود يم بابج ادك راحات
والدنيا الوسيعة بعتبتج تصغر

محـب الحسين
23-07-2011, 04:27 PM
سلام الله على جبل الصبر
مولاتنا السيدة زينب
سلام الله عليها
بوركتِ اختي العزيزه
طيب الله أنفاسكِ الزينبيه

عاشقة السيدة زينب ع
23-07-2011, 04:44 PM
http://www.alserat.net/forum/mwaextraedit6/extra/09.gif (http://www.alserat.net/forum/mwaextraedit6/extra/09.gif)

اللهم صل على محمد وآل محمد الطيبين الطاااهرين
وعجل فرجهم وألعن أعدااااائهم
السلام عليكِ يااا زينب الكبرى
السلام عليكِ يااا أخت الحسن والحسين والعبااااس
السلام عليكِ يااا أم المصااائب
شكراً لكِ خيه على القصيدة الرااائعة و الجميلة
الله يعطيش ألف عاافية
تسلم أيااااديش على القصيدة

شاعرة بابل
24-07-2011, 02:23 PM
شكرا اخي الكريم محب الحسين على المرور
جزاك الله خير الجزاء..
مع خالص الود والتقدير

شاعرة بابل
24-07-2011, 02:25 PM
اختي العزيزة عاشقة السيدة زينب ع شكرا لمرورك العذب والمتميز..
مع خالص الشكر لشخصكِ الكريم