مليكة السماء
14-08-2011, 01:13 AM
نفجار مطبخ في رمضان ,,,,
بسم الله الرحمن الرحيم..
اللهم صل على محمدوآل محمدوعجل فرجهم الشريف..
يهل علينا هلال شهر رمضان الكريم كل عام , ويهل علينا الروتين اليومي الكريم كل يوم , اليوم و امس و غدا نمارس نفس الرياضة العنيفة الصعبة التي قد نذهب ضحيتها في احد الايام .. كتبت سابقا عن معاناة الرجل واليوم اكتب عن معاناة المرأة من باب العدل والمساواة و حقوق الانسان وقيادة المرأة للسيارة والامم المتحدة تدري الحين الواحد لازم يحذر ولازم يتكلم عن الطرفين ...
طبعا معروف المزاج في شهر رمضان ماعليه زود و حط فوقها ماعليه حرج , الاسباب واضحة العطش والجوع وكأن الرجال غصبا عليه يصوم طيب اذا مزاجك الله بالخير ( في فرق بين الله بالخير وعبدالله بالخير بس احسهم نفس بعض ) لاتصوم وسو مثل زمان وحنا صغار روح في اقصى محل بالبيت ودح في التفاحة او البرتقالة ولا تسبب لنا ازعاج وكأن ماحد صايم غيرك ,,, يدخل فلان البيت من بعد صلاة الظهر و جبهته تصب من العرق وحالته حاله كأنه جاي من تنور خبز و يتحلطم ويقول والله هالشيخ يتاخر في الصلاة نشف ريقنا في القنوت مابقى دعاء ماقاله وغلطان مرة ثانية الي يصلي وراه و كل يوم على هالمنوال في هذرته ولا تغير شئ , يصرخ فلاانه ... طيب مالها اسم هالفلانة هذه ام عيالك !!!! ويش سويتي في الفطور ؟ تقوله الفطور كاهو على النار ومالك الا طيبة الخاطر ,,,,,, ومرة ثانية شوفي لا تتأخري وسوي لنا مكرونية وشوربة هريس وسمبوسة وقيمات وعصير وادان ( مقاطع فيمتو الحجي ) و لاتنسي التبولة والجريش وعلى فكرة احب الشقف وووو ايه هذاك شسمه وتقوله ام العيال كريم كرمل من كثر ما يطلبه نساه , حاضر وكل شئ تبيه بسويه لك , لا تتأخري تراني جوعان من الصيام وانا بنام الحين ولا تجلسيني إلا المغرب لاني عطشان من الصوم ..
ام العيال تصحيه قوم يا فلان جيب لحم مفروم للسمبوسة و حب الهريس تراهم قليل ويمكن مايكفوا الا لنفر , ماعليه سوي الي موجود والنواقص في الليل اجيبهم ومرة ثانية لا تجلسيني تراني صايم ... ومسكينة ام العيال من بعد صلاة الظهر الى المغرب وهي تنفخ و تقطع وتسوي في هالمطبخ ولو نقص شئ ما جاب لها ولو صار قليل على طول حرقها طيب هي شتسوي يعني ؟ اذا تبي تاكل جيب المطلوب وتسوي الي تبي ... ليه ترفع صوتك عليها مسكينة وهي صايمه وبتسوي الحار والبارد تتوقع قلبها ما يتفطر وحرارة النار تتوقع اقل من حرارة الشمس ؟ وهذا بعضهم المطبخ مافيه تكييف وتعالي يا المروحة ويبسي الريق من جديد والمرأة مسكينة هالمجاهده تسوي كل الرغبات ولو ملح نقص او شئ مسكينة يغسلوا شراعها من فوق الى تحت و ترجع من جديد في اليوم التالي وتحاول تضبط الطبخ كرمال هالحجي العطشان و الجوعان والنايم بسبب الصوم ,,, واذا اذن المغرب مايمهلها حتى تصلي .
جهزي الفطور يا فلانة ومن بعد مايصلي فرض المغرب يقوم يتذوق الاكل كله طبق طبق ويقول لها باقي فرض واخلص يلا بسرعة خلصي ويرجع يصلي صلاة العشا ودقيقة ونص خلصها وطيران الى المطبخ اشوفك تأخرتي الليلة ماجهز الفطور وهي تحاول بسرعة تجهز 10 اطباق في نفس الوقت والرجال اخذ له كاس عصير وجلس قدام التلفزيون ينتظر طاش ماطاش والمرأة تجهز وكل دقيقة صرخ ترى جابوا طاش والفطور ماجهز , والحجية مابعد تصلي وكل شوي صرخ عليها حتى المطبخ زهق من صراخه ... تحط الفطور وبدون ما يسمي ولا ينتظرها يفطر ولا صاير شئ عنده ,,,, وتروح المسكينة تصلي وماترجع للفطور الا على تناتيف وتاكل الي تقدر عليه وتقوم تكمل المشوار في الغسيل ويصرخ عليها مرة ثانية جهزي الشاي , هي شتسوي مسكينة تغسل المواعين او تسوي الشاي والحجي يتكعكع من الضحك وكل شوي جيبي وجيبي .. وبعد ماتسوي كل شئ تطلع كيسة اللحم للسحور و تبتدي تجهز للسحور مسكينة لان الحجي سحوره يبيه مبكر بسبب دوامه و 14 ساعة هالمرأة مسكينة ما ذاقت الراحة , واذا وقت النوم تركها وخلاها وما قال لها ولا كلمة تراضيها او تطيب خاطرها او حتى قبل يدها ..
نحتاج نحن معاشر الرجال في شهر رمضان ان نقف مع المرأة في ما تعانيه من تعب لاعداد مائدة شهر الصيام وان نستعد لها بكلمات الشكر والثناء والمديح وايضا لا يمنع لو يدخل الرجل المطبخ ويساعد زوجته لو بالقليل ,,,, تحية اجلال لتلك الايادي النسوية التي تعبت في جعل شهر رمضان شهرا للخير و الكرامة ..
بسم الله الرحمن الرحيم..
اللهم صل على محمدوآل محمدوعجل فرجهم الشريف..
يهل علينا هلال شهر رمضان الكريم كل عام , ويهل علينا الروتين اليومي الكريم كل يوم , اليوم و امس و غدا نمارس نفس الرياضة العنيفة الصعبة التي قد نذهب ضحيتها في احد الايام .. كتبت سابقا عن معاناة الرجل واليوم اكتب عن معاناة المرأة من باب العدل والمساواة و حقوق الانسان وقيادة المرأة للسيارة والامم المتحدة تدري الحين الواحد لازم يحذر ولازم يتكلم عن الطرفين ...
طبعا معروف المزاج في شهر رمضان ماعليه زود و حط فوقها ماعليه حرج , الاسباب واضحة العطش والجوع وكأن الرجال غصبا عليه يصوم طيب اذا مزاجك الله بالخير ( في فرق بين الله بالخير وعبدالله بالخير بس احسهم نفس بعض ) لاتصوم وسو مثل زمان وحنا صغار روح في اقصى محل بالبيت ودح في التفاحة او البرتقالة ولا تسبب لنا ازعاج وكأن ماحد صايم غيرك ,,, يدخل فلان البيت من بعد صلاة الظهر و جبهته تصب من العرق وحالته حاله كأنه جاي من تنور خبز و يتحلطم ويقول والله هالشيخ يتاخر في الصلاة نشف ريقنا في القنوت مابقى دعاء ماقاله وغلطان مرة ثانية الي يصلي وراه و كل يوم على هالمنوال في هذرته ولا تغير شئ , يصرخ فلاانه ... طيب مالها اسم هالفلانة هذه ام عيالك !!!! ويش سويتي في الفطور ؟ تقوله الفطور كاهو على النار ومالك الا طيبة الخاطر ,,,,,, ومرة ثانية شوفي لا تتأخري وسوي لنا مكرونية وشوربة هريس وسمبوسة وقيمات وعصير وادان ( مقاطع فيمتو الحجي ) و لاتنسي التبولة والجريش وعلى فكرة احب الشقف وووو ايه هذاك شسمه وتقوله ام العيال كريم كرمل من كثر ما يطلبه نساه , حاضر وكل شئ تبيه بسويه لك , لا تتأخري تراني جوعان من الصيام وانا بنام الحين ولا تجلسيني إلا المغرب لاني عطشان من الصوم ..
ام العيال تصحيه قوم يا فلان جيب لحم مفروم للسمبوسة و حب الهريس تراهم قليل ويمكن مايكفوا الا لنفر , ماعليه سوي الي موجود والنواقص في الليل اجيبهم ومرة ثانية لا تجلسيني تراني صايم ... ومسكينة ام العيال من بعد صلاة الظهر الى المغرب وهي تنفخ و تقطع وتسوي في هالمطبخ ولو نقص شئ ما جاب لها ولو صار قليل على طول حرقها طيب هي شتسوي يعني ؟ اذا تبي تاكل جيب المطلوب وتسوي الي تبي ... ليه ترفع صوتك عليها مسكينة وهي صايمه وبتسوي الحار والبارد تتوقع قلبها ما يتفطر وحرارة النار تتوقع اقل من حرارة الشمس ؟ وهذا بعضهم المطبخ مافيه تكييف وتعالي يا المروحة ويبسي الريق من جديد والمرأة مسكينة هالمجاهده تسوي كل الرغبات ولو ملح نقص او شئ مسكينة يغسلوا شراعها من فوق الى تحت و ترجع من جديد في اليوم التالي وتحاول تضبط الطبخ كرمال هالحجي العطشان و الجوعان والنايم بسبب الصوم ,,, واذا اذن المغرب مايمهلها حتى تصلي .
جهزي الفطور يا فلانة ومن بعد مايصلي فرض المغرب يقوم يتذوق الاكل كله طبق طبق ويقول لها باقي فرض واخلص يلا بسرعة خلصي ويرجع يصلي صلاة العشا ودقيقة ونص خلصها وطيران الى المطبخ اشوفك تأخرتي الليلة ماجهز الفطور وهي تحاول بسرعة تجهز 10 اطباق في نفس الوقت والرجال اخذ له كاس عصير وجلس قدام التلفزيون ينتظر طاش ماطاش والمرأة تجهز وكل دقيقة صرخ ترى جابوا طاش والفطور ماجهز , والحجية مابعد تصلي وكل شوي صرخ عليها حتى المطبخ زهق من صراخه ... تحط الفطور وبدون ما يسمي ولا ينتظرها يفطر ولا صاير شئ عنده ,,,, وتروح المسكينة تصلي وماترجع للفطور الا على تناتيف وتاكل الي تقدر عليه وتقوم تكمل المشوار في الغسيل ويصرخ عليها مرة ثانية جهزي الشاي , هي شتسوي مسكينة تغسل المواعين او تسوي الشاي والحجي يتكعكع من الضحك وكل شوي جيبي وجيبي .. وبعد ماتسوي كل شئ تطلع كيسة اللحم للسحور و تبتدي تجهز للسحور مسكينة لان الحجي سحوره يبيه مبكر بسبب دوامه و 14 ساعة هالمرأة مسكينة ما ذاقت الراحة , واذا وقت النوم تركها وخلاها وما قال لها ولا كلمة تراضيها او تطيب خاطرها او حتى قبل يدها ..
نحتاج نحن معاشر الرجال في شهر رمضان ان نقف مع المرأة في ما تعانيه من تعب لاعداد مائدة شهر الصيام وان نستعد لها بكلمات الشكر والثناء والمديح وايضا لا يمنع لو يدخل الرجل المطبخ ويساعد زوجته لو بالقليل ,,,, تحية اجلال لتلك الايادي النسوية التي تعبت في جعل شهر رمضان شهرا للخير و الكرامة ..