تويت
اللهم صلِ على محمد وآلِ محمد
قصيدة يزوار الحسين وياكم اخذوني :للرادود ملا جليل الكربلائي
الشاعر: ابوعلي الناصري
يزوار الحسين أويآكم اخذوني
يزوار الحسين أوياكم اخذوني
يامن للزيارة وللسفر ناويــــــــــــــن
وياكم خذوني ارد ازور حســــــــين
من عنده اريد اروي القلب والعين
لمحبوب القلـــب ياناس ودوني
يزوار الحسين اوياكم اخذوني
______________
عاشق والعشق ماينحمل تـــــــــــدرون
بحب حسين عقلي هايم ومجنـــــــــــون
لجل حسين اصيرن خادم وممنون
بس لكربله ياناس وصلــــوني
يزوار الحسين اوياكم اخذوني
_______________
مآذيني الوكت والقلب كله اهموم
ودوني لحبيبي الظامي المظلـــــــوم
عاشق واليلوم عليّه خله يلـــــــوم
موبيدي أحبـــه لاتلومــــــونــــــي
يزوار الحسين اوياكم اخذونـــــي
_____________
بترابه اريد اتـــــــــــــــــبرك وأنخاه
يا أشرف تراب اختلط ويا ادماه
تاج وعله الروس ابن الوصي شلناه
مجنون الحسين الناس سموني
يزوار الحسين اوياكم اخذوني
_____________
اريد اسجد على اعتابه واجر حسرات
واقله اهواك واجلب حضرته بدمعات
ما أنساك يامولاي أبد هيهـــــــــآآت
يامالك حياتي وقلبي وعيوني
يزوار الحسين اوياكم اخذوني
_____________
هنياله اليروح لكربـــــــــله يآناس
يزور حسين ويرد يعتني العباس
رفعة راس بو الاحرار رفعة راس
وآنه عاشق العباس تدروني
يزوار الحسين اوياكم اخذوني
___________
لازم هالمسية تهلهل النسوان
شهر الخير شهر المغفرة شعبان
هالليلة النبي وحيدر علي فرحان
بفرحة فاطمة ياناس نادوني
يزوار الحسين اوياكم اخذوني
وهذا الرابط
____ ________.mp3 - 11.92MB
تعليق