تمنّيـــــــــــــات الــــــــــــروح ( لأستشهاد أبي الحسنيين عليه السلام )

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

تمنّيـــــــــــــــــــات الـــــــــــــــروح
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
هم إو ألم يبرالي == غاب إو تركنه الوالي
طبروا ولينه الكرار == ظل الحزن يملي الدار
غاب إو تركنه الوالي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
مهما العدو حاول يطفّي أنواره == عامر مضيفه إو مِمْتلي إبزوّاره
حيدر علي بيه البشر محتاره == نفس النبي يحمل أصل أسراره
كل معضله إيحلها إبزود == عالحق يسير إو محمود
والهم جرح دلالي == غاب إو تركنه الوالي
ــــــ
عشقي إلَه ما تنمحي آثاره == ياريت أزوره إو أنحسب خطّاره
وإبلهفتي أكصد أناجيه إبداره == هذا علي حامي الحميه إو جاره
عدله يغطّي الأكوان == صار المثل والعنوان
بسمه تفوز أعمالي == غاب إو تركنه الوالي
ــــــ
روحي تعيفه للجسم يم بابه == تركض تريد المُلتقه بحبابه
يم الضريح إو تنتظر ترحابه == يظهر يهلّي بالحضر بمصابه
ا وإتشوف نوره المجروح == تبجي إو تناديه الروح
واني اللطم يحلالي == غاب إو تركنه الوالي
ـــــــــــ
ياريت أواسي زينب إبمحنتها == أيّام صعبه العالمه شافتها
ما نشفت إعلى أم الحسن دمعتها == فكدت أبوها إو ظلّت إبعبرتها
ظلّت يتيمه إبأحزان == فكدت بعدها الوليان
فكدت أبوها الغالي == غاب إو تركنه الوالي
ــــــــ
يوم الموادع وي علي وأحبابه == مُر إو صعب ناره العلت لهّابه
نزلت ملائكة السمه بمصابه == عزّت بنين المُرتضه وأصحابه
نصبت مآتم للنوح == تنعه وليها المجروح
فكدت معينه العالي == غاب إو تركنه الوالي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
مع تحيات شاعر أهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//v...ile=6981675daa

[محب الرسول]

اعظم الله لنا ولكم الاجر
احسنت شاعرنا الكيبر جابر النجفي
منور المنتدى بوجودك
حياك الله
وأهلا وسهلا بك
منتظرين ابداعك القادم
تقبل مروري

[محـب الحسين]

أعظم الله لك الأجر شاعرنا الموقر جابر النجفي
بذكرى استشهاد أمير المؤمنين ويعسوب الدين
سيدي ومولاي الامام علي (سلام الله عليه)
دمت ودام هذا العطاء العلوي القيم

[العرداوي]

اعظم الله اجورنا واجوركم

شاعرنه الكبير

النجفي الاصيل

ماجور بحق محمد وال محمد