حزن بينه حزن بيه -- يالغايب حزن بينه -وفاة الصادق ع

[محب الكاظم*]

المستهل --

حزن بينه حزن بينه -- يالغايب حزن بينه

عالصادق نهل عبره -- بالسم ينختم عمره

--

يالغايب حزنه اليله من خيّم -- عله الصادق نصبنه للحزن مأتم

ودّعها الحياته اللي گضت بالسم -- وچبد المصطفى هاليله يـتالم

رسول الله رسول الله -- عله امصابه رسول الله

الليله أتألم بگبره -- بالسم ينختم عمره

--

مصايبكم يبو صالح فلا تنعد -- ومحّد بالمصيبه ايشاركك محدّ

ولاباب الحزن والنايبه ينسد -- أچبود الكم يراعي الثار تتمرد

نار السم نار السم -- توذرها نار نار السم

منهن ياچبد يبره -- بالسم ينختم عمره

--

يبو صالح ندري ابدمعك المسفوح -- وبگلبك يغايبنه شكثرها أجروح

تبقه امخزنه وتزيد لا متروح -- عله اللي من گفاه ابكربله مذبوح

رضيعه اوياه رضيعه اوياه -- ابسهم ذبحوه رضيعه اوياه

واللي مانزف نحره -- بالسم ينختم عمره

--

ياثار الذي يبن الحسن ينعاف -- كل امصاب جرحه مابعد ينراف

بني اميه وبني العباس هالاجلاف -- لاعدهم ذمم لاعدهم الانصاف

جرايمهم جرايمهم -- تظل شاهد جرايمهم

الچبد الصادق اتغدره -- بالسم ينختم عمره

--

بني العباس ماعدهم ابد ذمه -- بس أجرام واحدهم صفه همه

ياچبد الذي باحقاد متسمه -- وغير اللي ابسيف او ينسفك دمه

ضحاياهم ضحاياهم -- شيعدها ضحاياهم

ابسجنه اللي گظه وحفره -- بالسم ينختم عمره

--

يالغايب الك چم عين منتظره -- تبقه تنتظر لهلالك الزهره

خاطر فاطمه امك تجي اتجبره -- وتاخذ ثارها البلباب والعصره

يهل يمته يهل يمته -- يالغايب يهل يمته

اهلالك نبقه ننتظره -- بالسم ينختم عمره

--
الشاعرالحسيني
سيد عدنان الحمامي

[سلطان القلوب]

بارك الله فيك

بإنتظار جديدك القادم
دمت بحفظ الرحمن ورعايته

[محب الكاظم*]

شكرا لمرورك على موضوعي وهذا شرف لي ووسام على صدري

[محب الرسول]

جزاك الله كل خير
بارك الله بك

[** خـادم العبـاس **]

شكرا جزيلا لك اخي الكريم
وفقك الله لكل خير

[هاشم سعيد]

أحسنتـــــــــــــــــــم ...
جزاكم الله عن الامام الصادق خيرأ ...
مأجورين ...

[محب الكاظم*]

شكرا لمروركم على موضوعي وهذا شرف لي ووسام على صدري