تويت
اليكم هذه القصيده بحق السيده ام البنين (ع)
واسأل الله قبولها لي ولكم احبتي
**********************
عليها انعه بحزن ودموعك اجريها
هاي أم البنين التنشد اعـلـيـهـا
*****************
هــاي أم البنيــن اليـرفعــون الــراس
بالغـيـره مـثـال وأصبحـت مــقـيــاس
يكفـي لـو گـلـت أم الـبـطـل عــبــاس
الشايل غيره محد ما يصل ليها
**************
هاي الـبـاري كـرمها بفـضل وبجـاه
وصارت عالبشر قـدوه بشرف والله
ربـك هـالـقــدر مـن جـنـتــه وعـلاه
ومحد ما گدر يعرف معانيها
****************
عـليها انحب وصب من الگلب دمعه
وظل طول العـمـر ارثيها بس وأنعـه
تشاهـد دمعـتـك والصوتــك أتسمعـه
وتعرف بيك يالحاضر وتبچيها
**************
تستاهـل تصب ادمــوم مـن العــيـــن
عليها وهالشرف يالتبچي تلگاه وين
هاي الكل دمعها خلصته اعله حسين
رادت يرجع وما رجع تاليها
**************
ألها بكل حزن الها انــذر الــدمـعــات
وابچيها بشرف ما تـنـدم وهـيـهــات
ما دام الضميـر ايعـيـش باقي الــذات
ودور عالضمير ابنصه تلگيها
*************
سلمت للقــدر مـن شبعــت الأحــزان
بــس ربـك جعـلها للفــرج عــنــوان
أطـلب مـنـها أطـلب ربك الــرحـمـن
ينطيك التريده وألها ينطيها
**************
خادمكم
رياض الرسل
تعليق