علامات الحزن

[محـب الحسين]

:: علامات الحزن ::

:: للشاعر السيد عبد الخلق المحنة ::

علامات الحزن و عيون حـــــــــراس
دمع طفلة و عتب و جروح واحساس
تصد الراس ابوها و تدمع العيـــــــــن
يهتز الرمح من يزعل الــــــــــــــراس
..........

على ظهور الهزل تصرخ يمظلــوم
نزل دمع اليتيمة و خضر همـــــوم
مشت طول الطريق اتنوح و تصيح
يا يوم و يعود إلراح يا يوم يا يــــوم
إذا غاب الابو ما تغمـــــض العيـــن
يعــــاشرها السهر و يسافر النــــوم
اذا حن القلب تتمنى الحسين و
اذا شافت خطر صاحت يعباس يعباس

علامات الحزن و عيون حـــــــــراس
دمع طفلة و عتب و جروح واحساس
تصد الراس ابوها و تدمع العيـــــــــن
يهتز الرمح من يزعل الــــــــــــــراس

تنادي بعد ابويـــة العمــر شيفيــــــد
رقية إلشوفتـــك يالوالـــــد اتريـــــد
الوذ بيا صدر من وحشة الليــــــــــل
يليل الآه ارحم خل يجي العــــــــــيد
امد ايدي على راسك بلكت اتقـــــول
تعالــي يا رقيــــــــــة و تلزم الايـــد
تجيها شلون يالجسمك غدا اوصـــال
رقــــية ما درت بالخيــــل ينـــــداس

علامات الحزن و عيون حـــــــــراس
دمع طفلة و عتب و جروح واحساس
تصد الراس ابوها و تدمع العيـــــــــن
يهتز الرمح من يزعل الــــــــــــــراس

فزت من حلمها بصوت مجــــروح
اريد حسين هسة قامت تنـــــــــوح
زينب و الحرم كلهن اجنـــــــــــها
لقنها من الالم جن طير مذبــــــوح
تصيح هنا يبوية و زينب اتصيـــح
يبو الاكبر عليك اشتاقت الـــــروح
نياحة وصوتهن بالليل مسمـــــوع
عليهن بالخرابة التمت النـــــــــاس

علامات الحزن و عيون حـــــــــراس
دمع طفلة و عتب و جروح واحساس
تصد الراس ابوها و تدمع العيـــــــــن
يهتز الرمح من يزعل الــــــــــــــراس

بطشت جابوا إلها و قربت يمـــــــه
حزينـــة و شبگت الراس و تشمــه
اخذنـــي ويــاك مااصـــبر بليـــاك
انا بنتـــك رقيـــــة يا بـــو اليمــــة
علي السجاد صاح بصوت محزوم
يعـمــة ماتت الطـــــفلة يعــمـــــــة
اجت زينب عليها و شاـفت الحـــال
لقتها على النحر مقطوعة الانفــاس

علامات الحزن و عيون حـــــــــراس
دمع طفلة و عتب و جروح واحساس
تصد الراس ابوها و تدمع العيـــــــــن
يهتز الرمح من يزعل الــــــــــــــراس

اذا حن القلب تتمنى الحسين و
اذا شافت خطر صاحت يعباس يعباس

الفيديو رائع والمؤثرات الصوتيه متقنة بشكل جميل جدااا

http://www.youtube.com/watch?v=BMprjxIWSiY

ولتحميل القصيدة بصيغة mp3 من الرابط التالي


علامات ألحزن .. باسم الكربلائي


نسألكم الدعــــــــاء

[دمعة الكرار]

[محب الرسول]

جزاك الله كل خير
قصيده رائعه فعلا

[عاشقة النور]

قصيده رااائعه

سلمت يمناك


"عاشقة النور"

[محـب الحسين]

شكرا جزيلا لمروركم الكريم

[عاشقة ام الحسنين]

اللهم صل على محمد وآل محمد وعجل فرجهم يا كريم
تسلم يمناك على الفيديو وكتابة القصيدة
يعطيك العافية على الطرح الرائع ومميز

[محـب الحسين]

شكرا جزيلا لمروركِ الكريم