تويت
بسمه تعالى
سلام عليكم
---
لعيد الغدير وافراحه
---
--
حصني گال لله ولاية حيدره -- للدخل حصني أمان أمن العذاب
يروي كل ظمئان منهل كوثره -- من يزيغ البصر ساعات الحساب
-----
الله للواله علي منطيه عهد -- من عذابي ايأمن البيه يعتصم
حصني گال الداخل الحصني وعد -- بالحشر لوصار ماينعد خصم
هوه لوماغيره بالله من شهد -- چان حتى الدين ميّظله اسم
والهُبل وأللات ياهو الكسره -- انشد الكعبه ترد هيه الجواب
ابوقعة الخندق واُحد وبخيبره -- نايحه بكل بيت خلاها أومصاب
---
راسخ الايمان ويجود النفس -- صولته تشهد اله ميدانها
علي لوطب الحرب عنده عرس -- منه تجفل بالوغى فرسانها
وذيچ الابطال التشوفه تنخرس -- ينعگد للموت ولله السانها
ساعده للحرب من ايشمره -- ايطير كلمن شافه من راسه الصواب
علي چم جحفل ابسيفه ايدمره -- ودمهم ايشربه حيدر للتراب
----
سيف للحگ يد الله الضاربه -- ابقل هو الله احد بيها انتصر
مايثني الضربه وحده امجربه -- يطعن ابرمحين شافه كل نظر
علي للجن راده يسلم حاربه -- واشتكى الجن من علي السيد البشر
شافوا أمن السيف دمهم گطره -- الموت يسگيهم علي چان الشراب
الكل مَلك حيدر صبحله مفخره -- للجهل من هدمه واصبح خراب
-----
علي سر الكون واسرار الوجود -- نور چان أوبالعرش ل لله سجد
والسمه لجله رفعها ابلا عمود -- ابيت الله شلون حكمه امن انولد
علي هاي الدنيه ما الها حدود -- غيره ياهو اتصيرله الكعبه مهد
للنبي من الطفوله امعاصره -- لحظه عن المصطفى حيدر مغاب
ناصر الله والرسوله ينصره -- همه مرضات الله رايد والثواب
----
سيد عدنان الحمامي
سلام عليكم
---
لعيد الغدير وافراحه
---
--
حصني گال لله ولاية حيدره -- للدخل حصني أمان أمن العذاب
يروي كل ظمئان منهل كوثره -- من يزيغ البصر ساعات الحساب
-----
الله للواله علي منطيه عهد -- من عذابي ايأمن البيه يعتصم
حصني گال الداخل الحصني وعد -- بالحشر لوصار ماينعد خصم
هوه لوماغيره بالله من شهد -- چان حتى الدين ميّظله اسم
والهُبل وأللات ياهو الكسره -- انشد الكعبه ترد هيه الجواب
ابوقعة الخندق واُحد وبخيبره -- نايحه بكل بيت خلاها أومصاب
---
راسخ الايمان ويجود النفس -- صولته تشهد اله ميدانها
علي لوطب الحرب عنده عرس -- منه تجفل بالوغى فرسانها
وذيچ الابطال التشوفه تنخرس -- ينعگد للموت ولله السانها
ساعده للحرب من ايشمره -- ايطير كلمن شافه من راسه الصواب
علي چم جحفل ابسيفه ايدمره -- ودمهم ايشربه حيدر للتراب
----
سيف للحگ يد الله الضاربه -- ابقل هو الله احد بيها انتصر
مايثني الضربه وحده امجربه -- يطعن ابرمحين شافه كل نظر
علي للجن راده يسلم حاربه -- واشتكى الجن من علي السيد البشر
شافوا أمن السيف دمهم گطره -- الموت يسگيهم علي چان الشراب
الكل مَلك حيدر صبحله مفخره -- للجهل من هدمه واصبح خراب
-----
علي سر الكون واسرار الوجود -- نور چان أوبالعرش ل لله سجد
والسمه لجله رفعها ابلا عمود -- ابيت الله شلون حكمه امن انولد
علي هاي الدنيه ما الها حدود -- غيره ياهو اتصيرله الكعبه مهد
للنبي من الطفوله امعاصره -- لحظه عن المصطفى حيدر مغاب
ناصر الله والرسوله ينصره -- همه مرضات الله رايد والثواب
----
سيد عدنان الحمامي
تعليق