العليلة اوداعهه الليلة

[زاهر]

عظم الله لنا ولكم الآجر بالمصاب العظيم
لآباالآحرار الآمام الحسين(ع) وأهله واصحابه
في الذكرى الفاجعة لواقعة الطف الخالدة
قصيدتي الى السيدة فاطمة بنت الحسين(ع)
العليلة التي تركها الآهل والآحباب وحيدة فريدة
في المدينة..
بيتين من البوذية:
--------
اريدك بوية هالليلة تناجيني واناجيك
يريت الكربلا اوصلّك واناجيك
لون اكدر اخلصك امنالكوم وانجّيك
انه اببُعدك زادت اهمومي علية
---------
روحي من الفراك الصبر مل منهه وملهه
وانه المنتظره وعدك يبويه اوخاب املهه
سلواهه العليلة الحزن وأم ألهه واملهه
وحيدة اوجارت أيامي علية
-----------
المستهل:
العليلة لبست الآحزان صار اوداعهه الليله
راحو عنهه أعز الناس ألمن همهه تشكيله
النص:
1-
منتظرة الوعد والعين تربي عالدرب تنطر
زادت علّتي بويه اودنياي ابحزن تمطر
اكولن بلجي طارش جاي واهنا بالعليلة ايمر
......
اريدن منكم أخبار""فكري اتدوهن احتار
عيوني لاتبخلين اليوم بدموعج توديله
2-
ليش ارحلتو عفتوني حياتي ابغيركم ذله
دخلو يمي عبدالله لون ابشوفته اتسله
عشت ابهمي واللآم صبري للوعد مله
......
روحي راحت اوياكم"""قلبي ينعى فركاكم
جفاهه النوم لعيوني اوليلي منهو يضويله
3-
يريت الروح وياكم دمعتي ساكنه اعيوني
مثل حيرانه بين الناس فكري عاشر اضنوني
لون اخدمكم ابنفسي هنا بس لاتعيفوني
......
ولو بتراب رجليكم"""ظل قلبي يحن ليكم
قسه بفراككم دهري اوحزن أيامي تهديله
4-
لاتنسى توديلي عمي لو علي الآكبر
طال اغيابكم يهلي عسى ماصابكم كل شر
وصل طارش لعند حسين نزلت دمعته اتكدر
......
تغيرت كل الآحوال"""الطلبنه صبح جتال
مقرنه الغاضرية اليوم اوجتلي الكوم تصبيله
5-
شسولفلج عن العباس صريع امكطّعه اجفوفه
شكلج بعد عالآكبر يريت اعيوني متشوفه
شوصفلج يبويه الحال ابغدراو شؤوم موصوفه
......
يافاطم اعذريني"""اعيش ابهمي خليني
يتيمة اوظلت وحيدة قدرهه قسه اوشد حيله
---------------------
نسألكم الدعاء
خادم أهل البيت(ع)
زاهر المعموري
2006م\استراليا

[خادمة فضه]

احسنت اخي الكريم
شكرا جزيلا وفقك الله

[محب الرسول]

اعظم الله لنا ولكم الاجر
شكرا جزيلا على القصيده الرائعه
مأجورين

[محـب الحسين]

طيب الله أنفاسك
مأجور ان شاء الله

[عاشقة النور]

يَع‘ـطِيِكْ رِبي العَ‘ــآآإفِيَه عَلىآ الطَرِحْ
جَعَ‘ـلَهْا الله فِي مُيزَآإنْ حَسَنَـآتِك يوًم القِيَــآمَه

"عاشقة النور"

[محب الرسول]

بسم الله الرحمن الرحيم

اللهم صل على محمد وال محمد

جزاك الله كل خير شاعرنا القدير
بارك الله بك
مأجورين

[زاهر]

تحيتي الطيبة للآخت الكريمة خادمة فضة
شاكراً مروركم القصيدة ..
موفقة لكل خير..

[زاهر]

الآخ العزيز محب الرسول وفقك الباري عز وجل
لكل خير شاكراً لك المرور الطيب للقصيدة
اعتذر على تأخير الرد..
دمت ذخراً لنا..

[زاهر]

اخي العزيز ابو محمد تحيتي الطيبة لك
واشكر مرورك القصيدة ..
ودمت ذخراً لنا ولخدمة الحسين(ع)
اعتذر لعدم التواجد بسب ظروف النت

[زاهر]

جزيل الشكر للآخت الموالية عاشقة النور
على المرور الطيب للقصيدة..
اعتذر عن تأخير الرد
موفقة لكل خير..

[عبدالله الشاعر]

تسلم على المجهود الرائع والجميل
ت
ح
ي
ا
ت
ي
خادمكم الصغير
عبدالله الشاعر

[زاهر]

جزيل الشكر والتقدير لك
أخينا عبدالله الشاعر
على مرورك الطيب للقصيدة
متمنياً لك التوفيق
أخوك زاهر..

[عبدالله الشاعر]

السلام عليكم
احسنتم وجزاكم الله احسن الجزاء
بحق محمد وال محمد(ص)
خادمكم الصغير
عبدالله العتابي