مســـــــــــلم بالحــــــــــــــرب عــــــــــــــدوانه بجــــــــــــاهــــــــــا

[محب الكاظم*]

من وزن التجليبه.... مسلم بالحرب ...... شعر .. ام هدى الخزاعي
--------------------------------------------------------------------
مسلم بالحرب عدوانه بجاها ........ رد حرب الصميدة بسيفه راوها
*****
رد حرب الصميدة من حمل مسلم ...... طاحونة حرب واللاحته اتهشم
عدوانه تموج من الرعب تردم ..... راس ابراس حارت وين ملفاها
رد حرب الصميدة بسيفه راوها
**********
راس ابراس تردم والجثث طشار ....... شماحملت كتايب بالحرب تحتار
مسلم لو علي تتناشد الأشرار...... كل فرسان اميه بحيره خلاها
رد حرب الصميدة بسيفه راوها
*****
بجه جيوش اميه شما تشن غاره ....... سيف الله بيمنه وسيفه بيساره
يكر كر الكتايب هايج اعصاره ......... وين اجيوش اميه ايصيح ملفاها
رد حرب الصميدة بسيفه راوها
*****
وين اجيوش اميه ايصيح عني اتروح ..... غاضب جالاسد لو يزأر ومجروح
مادام ابيميني سيفي بعده ايلوح..... أهد اجيوش اميه واهزم الواها
رد حرب الصميدة بسيفه راوها
*****
هد حيل الاعادي من ندب حيدر ...... فر الكون كله وصارمه يزمجر
يحد سيفه بعدوه والفلك كبر..... وجيوش التجي بلا راس ساواها
رد حرب الصميدة بسيفه راوها
*****
ساوه الجيش سيفه ومافتر عزمه ...... اسد هذا الاسد واطباعه من عمه
عاد علوم حيدر من يرف علمه ..... كتب اسمه الفخر والدنيا لاواها
رد حرب الصميدة بسيفه راوها
*****
عاد علوم عمه وغدرته الكوفه ..... نفس غدرة علي والكوفه معروفه
انسحل بعد الجتل وجفوفه مجتوفه ...... هذا الي يواسي الزهره بضناها
رد حرب الصميدة بسيفه راوها
*****
كتب اسمه الفخر لو مسلم اتذكره ..... المناير تستحي واتدنك الصبره
لحد هاليوم تنعى فاطمه الزهره ...... على مسلم تنوح وكلنه وياها
رد حرب الصميدة بسيفه راوها
*****
الشاعرة الحسينيه/فاطمه الخزاعي
منقول

[عاشقة النور]

السلام عليك ياسفير الحسين

عظم الله لنا ولكم الاجر

[محب الكاظم*]

شكرا لمرورك على موضوعي وهذا شرف لي ووسام على صدري