قصيدة بحق مسلم أبن عقيل(ع) للشاعرهاتف الخاقاني

[هاتف الخاقاني]

آه يامسلم ينارمصابة دموع عيني على البطل سجابة

والله سجابة دموعيي لهل مصاب
لاعشيرة الويه مسلم لاصحاب
بالدهرالوينفع وياذي العتاب
جان لينت الصخربعتابة--------

جان لينت الصخروهل القبور
تكعدمن أنداي كل ذيج الدهور
مصاب مسلم موش بس قصة وسطور
قادثورة وخانتة الجذابة------------

خانتك وهل الغدرمعلومة
شمايمربيه الزمن ميشومة
سيوفه بذاك الوكت مسمومة
الأمام وطبرته بمحرابة-------

خانت بعمك أميرالمؤمنين
تريدتوفيلك وعدها ويل الحسين
الكوفة أهل دنيه ولاعدهم يقين
وبين الأثنين أصبحت مرتابة----------

ماوفت بكتابه وذيج العهود
وفخرالأبطال أبصبرهاعالصمود
وحيدمسلم دارت عليه الحشود
وماتضعضع من وكف يم بابة ------------

ماتضعضع مسلم وهم بالقتال
ولايرهبه الجمع لوكثرالرجال
شبه أبوالحسنسن لوطب النزال
رأس جم فارس الكصه وجابة-------------

بيك بس طوعة تحشم يل وحيد
يانسل ذيج الضياغم يامجيد
ريت هاشم حاضره بساعة الويد
يوم حاطك جيشهم برجابة----------------

يوم حاطوك الغرب من جتفوك
بعيدعن أهلك يمسلم ماحموك
الله وأكبرللقصرمن صعدوك
وحيددرت النظربين جنابة---------------

وحيدبس لحسين من درت النظر
تريدواحدليه يوصل هل خبر
كبل ظلعك كلب الحسين أنفطر
حسين يعلم ماجره وأسبابة---------------

[محب الرسول]

اعظم الله لكِ الاجر
شكرا جزيلا على القصيده الرائعه
بارك الله بك
جزاك الله كل خير
مأجورين

[محـب الحسين]

أجدت اخي العزيز
طيب الله أنفاسك الزكيه
جزاك الله أحسن الجزاء