قصيدة عن لسان زينب(ع) بعد العاشرمن محرم للشاعرهاتف الخاقاني

[هاتف الخاقاني]

ظلت جثثنه على الثرة وخذنه لشام
أرجال ماعدنه بعد بس حرم وأيتام

يوم الحده حادي الظعن والظعن من سار
ظل جثثنه على الثره والكوم كفار
ماشفنه بس رأس البطل فوك الرمح صار
تنزف دماه على الأرض مابين الأعلام-----------------

ويوم الحده حادي الظعن ناديت عباس
شفته اجفوفة مكطعة ومصيوب بالراس
كوم أنظرأنه يابطل وتشوف الأرجاس
حركوا خيمنه وشتتوا رضعان وأيتام------------------

ودعت عباس ورحت لبن أمي حسين
أشكيله حالي والدمع جرح الخدين
يبن أمي شوهذا الجسدوالرأس جاوين
برماح شالوه الكفريهدونه لشام-----------------------

أشلون راسك للكفريهدونه يحسين
وأنته أبن طاعون العده بخيبروصفين
ضحى بنفسه يل أخوه من أجل هل دين
ولولاعلي المرتضى ماشادالأسلام---------------------

ريته يخوية بكربله يحضرني ويشوف
سبعين ألف كوم العده وصطفوا أصفوف
أطفال عندي وبالأرض هامت من الخوف
وأنه أختك بسوط العده ضربوني ظلام-----------------

وأبنك عليل وجتفوه خوية بالأحبال
مدري أمشي وياه بالظعن لووي العيال
أيتام تصرخ بس بقت وتغيرالحال
مذهوله ماعندي فكروألطم على الهام----------------------

[محب الرسول]

اعظم الله لكِ الاجر
شكرا جزيلا على القصيده الرائعه
بارك الله بك
جزاك الله كل خير
مأجورين

[محـب الحسين]

عطّر الله أنفاسك
مأجور ان شاء الله