قصيدة بحق أنصارالحسين(ع) لشاعرهاتف الخاقاني

[هاتف الخاقاني]

هذا اليوم سادس يوم الأنصار كتبوا بيه عهد لدين ماصار لشاعرهاتف الخاقاني

هذا اليوم يوم أنصارالحسين
فدوها أرواحهم برض الميادين
بدين الله ورسوله أصبحوا ماضين
وماهمه الكبر لوزغر الأعمار-----------------

وردوهه المناية وخاضوا السوح
ولجل الدين كلنه نضحي الروح
مامل الطم لوملن النوح
ودمع العين خله يفيض بعبار-------------------

هاي الأيدت لحسين نصرة
واحد واحد ومانفذ صبرة
أشراف بكل وكت واسوا الزهرة
ورسول الله وعلي ياحامي الجار--------------

فازوا بالعمل والدنيه والدين
يوم الحشريوم التشبح العين
وجاهتنه وشرفنه أنصارالحسين
حصن الشيعة يوم التلهب النار---------------

شردأعدها أنصاركم من يابطل
مالزمة الخوف لوكضةالأجل
ياشهامات العرب نعم الأصل
من عافت نساهه وعافت الدار----------------

ماأخص بالذكرمن أذكرحبيب
يوم ناده حسين أنت أول مجيب
وطاح وي حسين عالغبرة سليب
ترك كلشي بحياته ومارضه العار---------------

ياأنصارالله بيكم حاجتي
تكظي من يقبل الخالق طلبتي
يعيش هذ الوطن سالم منيتي
ومنه تزيح كل غمه والأكدار-----------------

عساهه بجاهكم منصورة الأبلاد
ومحفوضة من الأرهابي والأوغاد
ملينه الظلم كل حكمه جلاد
شنفع صدام بيه الوكت من دار----------------

ياطاغي الزمان شحصلت كول
عار الدنيه أخذته ويومك مهول
تعادي حسين أنته وذيج الفحول
اليعادي حسين ماله كبرينزار-------------------

[محب الصدر]

احسنت شاعرنا العزيز
جزاك الله خير الجزاء

[محـب الحسين]

جزاك الله أحسن الجزاء
جعلها الله لك ذخراً في أخراك

[محب الرسول]

بسم الله الرحمن الرحيم

اللهم صل على محمد وال محمد

جزاك الله كل خير شاعرنا القدير
بارك الله بك
مأجورين

[** خـادم العبـاس **]

احسنتم وبارك الله بكم
وفقكم البـــــــــــــــاري
وجزاكم كل خيــــــــــــر