فرقة احباب الزهراء
01-12-2011, 02:47 AM
اربع اسود افديت لجلك يغالي
متامله اليه اتعود و ترحملي حالي
لاجن خذاك * دهري ورماك
عذبلي حالي
يبو الاكبر شسولفلك حين الوصلت الاخبار
وحين الصاح ابن حذلم ذبحوا عترة الاطهار
انمرد جبدي يالحبيب وجن انهد عليه الدار
حرت مدري اروحن وين وادموعي تصب انهار
حيلي انهدم يحسين والجمره بحشاي
اصرخ واصيح ابصوت وينك يرجواي
الضهري حنيت * يوم المشيت
عذبلي حالي
اركضت يبني لبن حذلم انشده وبالكلب نيران
نشدته اعليك ويكلي عظم اجرج وحزنان
اكله احسين ابني وين يسكت والدمع جريان
ويرد ايكلي ياحره راحت ولدج الشجعان
كتله فده يرحون لبن الزجيه
بس كلي ابني وين لتظم عليه
ولنه يصيح * احسينج ذبيح
عذبلي حالي
طحت عالكاع وانهديت وزغرت دنيتي ابعيني
وصحت ياريت عمري راح وريت اتلاشت اسنيني
وعمت عين الوكت يبني الفارك بينك وبيني
ويريت الموت مامربيك وكبلك ريته لافيني
وريت الذي حزاك حزلي وريدي
ولاتشعر انته اباه لوكلشي بيدي
واشما بجيت * ابدهري ابتليت
عذبلي حالي
امشيت ابدمعتي الجدك وملتمه عليه الناس
وكعدت اهناك يم كبره وشكيت اشسوت الارجاس
وكتله يابو الزهره ماجيتك لجل عباس
ولاعبدالله لوجعفر لجلهم شاب مني الراس
ولااشكي حالت عون رابع اسودي
لاجن الهدلي الحيل ذبحوا وجودي
حسين الحبيب * بالطف سليب
عذبلي حالي
ولكبر الزجيه امشيت ولكيت اوديعتك يبني
اسمعهه تصيح ابصوت يمه الوكت دولبني
اشبكته ابحسرتي ودمعي وهي ابلوعه شبكتني
وتكلي يمه شوفي اشصار اخوتي ابغربه عافتني
عافوني بين اعدائي اشكف بديهه
ومحتارة بالأيتام وناري سريهه
اشيطفي اللهيب * وبس النحيب
عذبلي حالي
لضل طول العمر يحسين انصب ماتم ابروحي
واضل انعاك يوليدي والجم بيدي الجروحي
وابد ماابطل افد يوم لهفتي اعليك لونوحي
وفداك الاربعه الراحو دمعتي كتبت أبلوحي
وما ادري هم وفيت لوبعده ديني
جاوب يبعد الروح هود ونيني
ولجلك عميت * وفكدك دريت
عذبلي حالي
كلمات خادم ام البنين
ابو امين الفرطوسي
متامله اليه اتعود و ترحملي حالي
لاجن خذاك * دهري ورماك
عذبلي حالي
يبو الاكبر شسولفلك حين الوصلت الاخبار
وحين الصاح ابن حذلم ذبحوا عترة الاطهار
انمرد جبدي يالحبيب وجن انهد عليه الدار
حرت مدري اروحن وين وادموعي تصب انهار
حيلي انهدم يحسين والجمره بحشاي
اصرخ واصيح ابصوت وينك يرجواي
الضهري حنيت * يوم المشيت
عذبلي حالي
اركضت يبني لبن حذلم انشده وبالكلب نيران
نشدته اعليك ويكلي عظم اجرج وحزنان
اكله احسين ابني وين يسكت والدمع جريان
ويرد ايكلي ياحره راحت ولدج الشجعان
كتله فده يرحون لبن الزجيه
بس كلي ابني وين لتظم عليه
ولنه يصيح * احسينج ذبيح
عذبلي حالي
طحت عالكاع وانهديت وزغرت دنيتي ابعيني
وصحت ياريت عمري راح وريت اتلاشت اسنيني
وعمت عين الوكت يبني الفارك بينك وبيني
ويريت الموت مامربيك وكبلك ريته لافيني
وريت الذي حزاك حزلي وريدي
ولاتشعر انته اباه لوكلشي بيدي
واشما بجيت * ابدهري ابتليت
عذبلي حالي
امشيت ابدمعتي الجدك وملتمه عليه الناس
وكعدت اهناك يم كبره وشكيت اشسوت الارجاس
وكتله يابو الزهره ماجيتك لجل عباس
ولاعبدالله لوجعفر لجلهم شاب مني الراس
ولااشكي حالت عون رابع اسودي
لاجن الهدلي الحيل ذبحوا وجودي
حسين الحبيب * بالطف سليب
عذبلي حالي
ولكبر الزجيه امشيت ولكيت اوديعتك يبني
اسمعهه تصيح ابصوت يمه الوكت دولبني
اشبكته ابحسرتي ودمعي وهي ابلوعه شبكتني
وتكلي يمه شوفي اشصار اخوتي ابغربه عافتني
عافوني بين اعدائي اشكف بديهه
ومحتارة بالأيتام وناري سريهه
اشيطفي اللهيب * وبس النحيب
عذبلي حالي
لضل طول العمر يحسين انصب ماتم ابروحي
واضل انعاك يوليدي والجم بيدي الجروحي
وابد ماابطل افد يوم لهفتي اعليك لونوحي
وفداك الاربعه الراحو دمعتي كتبت أبلوحي
وما ادري هم وفيت لوبعده ديني
جاوب يبعد الروح هود ونيني
ولجلك عميت * وفكدك دريت
عذبلي حالي
كلمات خادم ام البنين
ابو امين الفرطوسي