تويت
والنعم كول وفعل ياابا الفضل
وكف بالميدان جنه حيدره
كالاسد عباس سبع الكنطره
ابد متهمه جيوش الغادره
خله عسكر ال اميه حايره
امجرب ابصولاته لاماينحمل
من ابو اليمه طلب رخصه وسمع
هله يانفس الصميده الماركع
بيك كل الوفه عباس اجتمع
بدمك ودمي نحيي المجتمع
ويله تنخاك كل طفله وطفل
بيك وادي كربله زاده الفخر
يلي من زغرك متهاب الخطر
وكلمن اتحداك ياذخري خسر
فوت سطر ملحمه فوك النهر
وادري عدك ياكمر هذا سهل
صاح يم المشرعه انه الجفيل
انه ابن المرتضى حامي الدخيل
روحي افديهه انه لطهر سليل
وابد عن هذا الدرب لامااميل
والله اخلي اجيوش اميه تنذهل
مله جوده وهزم عباد الصنم
ورفض يشرب ماي شيال العلم
هوني يانفسي عكب راعي الشيم
اهلي ربوني عله اعضم قيم
وقسم لرفع عن ابو اليمه الحمل
رجع وعيونه اتجادح بالغضب
وسيفه صار اعله العده نار ولهب
حصد روس العساكر ماتعب
وشوف وادي كربله عنه اشكتب
وهالبطل مثل الصميده موسهل
ابو امين الفرطوسي
تعليق