تويت
نشكي جينه ياولينه
سيدي اتفرهد وطنه وصحنه وينك يااملنه
نشكي جينه ياولينه
سيدي جينه انتعثر والدمع غرك العين
اشمرنه يم بابك حزنه وصحنه يبن الطاهرين
كوم واتلكه احبابك جينه بالهم غاركين
جمره بينه ياولينه
من البعث والناصبيه عشنه اهات واذيه
نشكي جينه ياولينه
سيدي تدري ابشعبنه هواي عانه امن الطغاة
حروب وسجون ومقابر بيهه ضلمتنه الجناة
والسلم منهم امامي ضوكوه مر الحياة
وابتلينه ياولينه
من غدر اهل الخيانه جم عزيز الفاركانه
نشكي جينه ياولينه
سيدي جم ام اجتك تشتكي تنوح وتصيح
وجم طفل يحسين يصرخ اتيتم وكلبه جريح
وجم اخت شافت اخوهه مثلك اتكطع ذبيح
حن علينه ياولينه
ابلاذنب احنه انتفجر والجرم يوميه يكثر
نشكي جينه ياولينه
عهد منه ياولينه نضل نتبع خطاكم
وخلي بينه اشما يصير نعشك الموت ابهواكم
وقسم بالزهره وضلعهه ابد مانخذل لواكم
نبقه وفايه النهجكم * ونبقه نتحدى اليضدكم
نشكي جينه ياولينه
الشاعر الحسيني / ابو امين الفرطوسي
تعليق