تويت
هذا عراقك يحسين بعيونك اتشوفه
من كل شبر يهتف اجه وبروح ملهوفه
للموت احنه وياك * هيهات ماننساك
هذا عراقك يحسين بعيونك اتشوفه
__________________________-
هذا عراقك يحسين صاحب عقيده
ثابت ولاءه الك يبن الصميده
وحبه الك ياسيدي حاله فريده
مد ابشجاعه للذبح نحره اوريده
وماركع للارهاب * متحدي الاذناب
هذا عراقك يحسين بعيونك اتشوفه
_______________________________
هذا عراقك يحسين ابكل الطوائف
متعني يمك سيدي والدمع جارف
يطلب ابجاهك ينكطع دمنه النازف
وتنزاح كل ذيج الفتن وذيج العواصف
واينادي يامولاي * ابجاهك تصفي الراي
هذا عراقك يحسين بعيونك اتشوفه
هذا عراقك يحسين رغم المسافات
اتعنه الك ياسيدي وكصده المواسات
وايجدد البيعه الك باحلى الشعارات
لا للضلم والتفرقه والذله هيهات
ونادى ينور العين * احسبنه كالسبعين
هذا عراقك يحسين بعيونك اتشوفه
هذا عراقك يحسين مادنك الراس
شامخ عله طول الزمن متحدي الارجاس
وعنده وفه ياسيدي والله مينقاس
وشهدتله يبن المرتضى هالدنيه والناس
للعزه انطه ارواح * وحين اعتنالك صاح
هذا عراقك يحسين بعيونك اتشوفه
هذا عراقك يحسين مدرسة ابطال
ايخرج اسود ابكل وكت مضرب للامثال
وهذا الفخر ياسيدي تتوارثه اجيال
مايوم ريح الهزته ماحرك ومال
ابنهجك يضل محروس * لليضد ينطي ادروس
هذا عراقك يحسين بعيونك اتشوفه
كلمات الشاعر الحسيني ابو امين الفرطوسي
كلمات الشاعر الحسيني ابو امين الفرطوسي
تعليق