تويت
اليوم من كل صوب جينه ابكربله ننصب عزيه
للفده روحه وحياته من اجل اعظم قضيه
للذي سجل ملاحم بيهه تتباهه البريه
للذي راد الصلاح ونصر دين الله ونبيه
للي قدم أهله كلهه وصحبته أبدور الزهيه
للي مادور مناصب ورفض سلطه دنيويه
للي محفور ابكلبنه وللمحب اصبح هويه
للهتف هيهات للذل وابد ماهاب المنيه
للنذر كل غالي عده لجل نهج الاحمديه
للذي كطعوا جسمه وداسته اخيول الدعيه
للذي رضوا اضلوعه مثل والدته الزجيه
للذي سلبوا اهدمه وعاري ضل اعله الوطيه
للذي بالشام رأسه وجسمه ضل بالغاضريه
تعليق