تويت
معتني اليوم انه للغاضريه انصب أهناك لبو اليمه عزيه
وواسي الحره زينب ابدمعتي وكلب يلهب
معتني اليوم انه للغاضريه
يالتناشدني معتني الياصوب
وليش دمعاتي عالجفون اتذوب
وترد تسالني روحي ليش اتلوب
وليش لون اسود لابس انه الثوب
يالتناشدني هاك اسمع جوابي عن سبب نوحي لوهذا عذابي
الك راح اروي قصتي ابحسرتي وبجمرتي
معتني اليوم انه للغاضريه
راح احجيلك قصة احزاني
وربي يشهدلي صادق الساني
شخص حبيته وهو حباني
ابروحي ضميته وهو ضماني
ابدمه نحره فداني وبكيت انحب واعاني
معتني اليوم انه للغاضريه
وبعد يالتنشد اشوكت حبيته
ابعالم الذرات انه لاكيته
نوره جنني حين صديته
وشغل تفكيري والله وهويته
ومن وكتهه اعشكت ابن الزجيه ومااعوفه اقسمت حد المنيه
وكبر حبه وكبرنه اله فدوه عمرنه
معتني اليوم انه للغاضريه
وبعد يالتنشد فاجئتني الناس
تلهج اباسمه واباسم عباس
مادريت الكون عنده هالاحساس
وموفقط انه عاشك النوماس
كلهه ذابت ببن حامي الحميه لئن ضحه لجل اعضم قضيه
لجل اعظم رساله ولئن راد العداله
معتني اليوم انه للغاضريه
راد للامه ماتعيش الاه
وماتطخ الراس للظلم والله
وراد هذا الدين ينعرف معناه
ومن اجل هذا احنه بايعناه
هاي النحور عله المذبح تهاوت وعله نهجه انفدت وبصوت صاحت
ابد لامانعوفه ونجي ابلهفه الطفوفه
معتني اليوم انه للغاضريه
قسم بالزهره مايمنعونه
نضل نتعناه لويفجرونه
وتدري كل اعداه مايكدرونه
وجربوا ياما وياما ذبحونه
نزحف ازحوف نجي ونوصل حضرته وانذرنه لجل نهجه وثورته
اله كل شي فدينه وابد ماهودينه
معتني اليوم انه للغاضريه
ابو امين الفرطوسي
تعليق