تويت
هذا حسينا في الطفوف وضع النقاط على الحروف
وضع النقاط على الحروف
وكف بين الجموع وصاح يهل الكوفه اسمعوني
اخر حجه القيه وبعدهه لاتلوموني
واذكركم اذا ناسين انتو الي طلبتوني
شكيتو من الضلم والجور بدمع وبدم دعيتوني
ياماكتبتم بالالوف هذه القلوب والسيوف
تفديك دوما سيدي ياارض يادنيا اشهدي
وضع النقاط على الحروف
لاطامع ولابطران اجيت وجايب اعيالي
ولامنصب ردت منكم وهذا مااجه ابالي
لجن واجب عليه صار اضحي ابنفسي والغالي
اعيد البسمه للمضلوم وهذه هي امالي
ان لم تكونو اصحاب دين للعهد كونوا مخلصين
توبوا الى الجبار من ذنب يجني النار
وضع النقاط على الحروف
الحقيقه مره ياكوفه وانتو الي صنعتوهه
الكم بالغدر ادوار ماضنكم نسيتوهه
اولهه بعلي الكرار الهامه من طبرتوهه
بايعتوه وامنتوهه وضغا ئنكم خفيتوهه
يامن لبستم عدة وجوه العهد لي لاتنكروه
والكل يعرف من اكون في الحرب هذه تخسرون
وضع النقاط على الحروف
وبعد ياكوفه اخبركم ماخايف انه ومرتاب
وثورتي ادري وين اتصير تبقى امنوره الاصلاب
وادري انذبح بالطف واخوتي اولدي والاصحاب
لجن واجب انبهكم باجر لويصير احساب
اين المفر اين الهروب لاتملكون غير الذنوب
اعذاركم لاتنقبل بكم جهنم تحتفل
وضع النقاط على الحروف
وبعد ياكوفه ادري اتروح اعيالي لليسر والذل
لجن عدنه هدف سامي نضحيله وابد منمل
انخلقنه الهل درب ياناس وجبال امن الالم نحمل
وعمرنه ماعرفنه الخوف وصبرنه للصبر يذهل
هاقد عرفتم اهدافنا للحق نروي دمانا
يانس تمت مهمتي وانا برئت ذمتي
وضع النقاط على الحروف
وبعد ماحجة القاهه رجع الخيامه ابو اليمه
ابثوبه اتعلكت الاطفال وعليه الحرم ملتمه
كلهه اعليه تتباجه ويشمونه فرد شمه
وصاح ابصوته يازينب الضعني بيدج امسلمه
انتي الكفيله للضعون من بعد ياقرة العيون
اختاه ياحره اعلمي الدين محتاج دمي
وضع النقاط على الحروف
كلمات الشاعر الحسيني
ابو امين الفرطوسي
تعليق