ليش ياجاسم عفتني

[فرقة احباب الزهراء]

ليش ياجاسم عفتني


أشهور تسعه البيه شلتك

يبني وبصبري نطرتك

وتدري من الله طلبتك

وياما ياما سهرتني


ياما لوليت أعله مهدك

وعله خدي نام خدك

أي وحك البطل جدك

وأحله يمه سمعتني


كلت تكبر ياسنيدي

وحنتك تنعجن بيدي

وزفتك يوليدي عيدي

ابهاي هم مافرحتني


كلت خيمه أتصير اليهه

وبالكبر تلزم اديهه

لو اطيح اتحير بيهه

ياما ياما واعدتني


انشد الدنيه عليه

ياشبل حامي الحميه

لجلك احملت الاذيه

أبسهم فكدك صوبتني


وين تعبي وسهر ليلي

اشلون يالبت دليلي

ابكربله هدمت حيلي

وريت بعيونك شفتني


يبني منك هالخذوني

وبالاحبال ايجرجروني

وراح خدري سلبوني

وهالمصيبه امنين اجتني


الشاعر الحسيني ابو امين الفرطوسي

[محـب الحسين]

جزاك الله خيرا
مأجور ان شاء الله

[عاشقة السيدة زينب ع]

بسم الله الرحمن الرحيم
اللهم صل على محمد وآل محمد الطيبين الطااهرين
وعجل فرجهم وألعن أعدااائهم
مأجورين
تسلم أياااديك على القصيدة النوراانية
الله يعطيك ألف عااافية
جزااك الله خير جزاااء المحسنين

[** خـادم العبـاس **]

شكرا لكم
بارك الله بكم
وجزاكم كل خير